पुणे : संतश्रेष्ठ श्री ज्ञानेश्वर महाराजांचा पालखी सोहळा 11 जून ला पंढरपूकडे प्रस्थान ठेवणार असून यावर्षी माऊलींचा पालखी रथ ओढण्याचा मान आळंदीमधील भोसले कुटुंबाच्या सर्जा- राजा या बैलजोडीला मिळाला आहे.
माऊलींचा पालखीरथ ओढण्यासाठी भोसले कुटुंबाने खास कर्नाटकमधून खिलार जातीची बैलजोडी विकत घेतली असून आज वाजत-गाजत प्रदक्षिणा मार्गावरून या बैल जोडीची मिरवणूक काढण्यात आली. संत ज्ञानेश्वर महाराजांच्या समाधी मंदिराच्या महाद्वारात पालखी सोहळा प्रमुख आणि विश्वस्तांच्या हस्ते मानकरी भोसले यांना सन्मानित करण्यात आले.
