पुणे शहराला रेड अलर्ट! सर्व शाळांना सुट्टी जाहीर; जिल्हाधिकारी डॉ. सुहास दिवसे यांचा आदेश

215 0

पुणे: पुणे शहरात मुसळधार पाऊस सुरू असून या पार्श्वभूमीवर हवामान विभागाकडून पुणे शहराला रेड अलर्ट देण्यात आला आहे.

हवामान विभागाने येत्या काही तासात पुणे शहर, भोर, वेल्हा, मावळ, मुळशी, हवेली तालुक्यातील खडकवासला परिसरात अतिमुसळधार पावसाचा इशारा दिला असल्याने (रेड अलर्ट) या भागातील शाळा २५ जुलै रोजी बंद ठेवण्याचे आदेश जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ.सुहास दिवसे यांनी दिले आहेत.

खडकवासला धरणातून ४० हजार क्यूसेक विसर्ग सुरू होत आहे. तसेच पुणे शहराच्या सखल भागात पाणी साचण्याची शक्यता आहे. त्यामुळे नागरिकांनी दक्षता बाळगावी आणि आवश्यकता असेल तरच घराबाहेर पडावे असे आवाहन जिल्हाधिकारी डॉ.दिवसे यांनी केले आहे.

Share This News
error: Content is protected !!