पुणे : बारावीचा निकाल नुकताच जाहीर झाला आहे. यावेळी देखील मुलींनीच बाजी मारली आहे. यंदा मुलींच्या निकालाची टक्केवारी 93.73% आहे तर मुलांच्या निकालाची टक्केवारी 89.14% आहे. राज्याचा एकूण निकाल 91.25 टक्के लागला आहे. 96.01 टक्के कोकण विभागाचा लागला आहे. यंदाच्या बारावीच्या परीक्षेला 14 लाख 28 हजार नियमित विद्यार्थी बसले होते. 154 विषयांसाठी 12 वीची परीक्षा झाली होती. विद्यार्थ्यांना आपला निकाल आज दुपारी 2 वाजता पाहता येणार आहे. 5 जूनला विद्यार्थांना गुणपत्रिका मिळणार आहे.
कुठे पाहाल निकाल?
बारावीचा ऑनलाइन निकाल पाहण्यासाठी पुढील लिंकवर क्लिक करा
1) www.mahresult.nic.in
2) www.hscresult.mkcl.org
3) http://hsc.mahresults.org.in
4) www.mahresult.nic.in या संकेतस्थळावर विद्यार्थ्यांच्या निकालाबरोबरच वेगवेगळी सांख्यिकी माहिती उपलब्ध होईल. www.mahahscboard.in या संकेतस्थळावर शाळांना एकत्रित निकाल उपलब्ध होईल.
यंदा विज्ञान शाखेचा निकाल 96.09%, कला शाखेचा निकाल 84.05%, वाणिज्य शाखेचा निकाल 90.42%, पुणे विभागाचा निकाल 93.34% लागला आहे.
विभागानुसार 12 वीचा निकाल
कोकण 96.01 टक्के
पुणे 93.34 टक्के
कोल्हापूर 93.28 टक्के
औरंगाबाद 91.85 टक्के
नागपूर 90.35 टक्के
अमरावती 92.75 टक्के
नाशिक 91.66 टक्के
लातूर 90.37 टक्के
मुंबई 88.13 टक्के
गेल्या वर्षीच्या तुलनेत निकालाची टक्केवारी 2.97 टक्क्यांनी घसरली. गेल्यावर्षी 94.22 टक्के निकाल लागला होता. यावर्षी मात्र 12 वीच्या निकालाचा टक्का घसरला असून निकाल 91.25 टक्के लागला आहे.
