पुणे महानगरपालिका : सत्ताधारी भाजपच्या ५ वर्षाच्या कामकाजाची चौकशी CAG मार्फत करण्यात यावी ; शिवसेनेचे आंदोलन
पुणे : पुणे महापालिकेच्या आवारामध्ये शिवसेनेने आज जोरदार आंदोलन केल आहे. यावेळी शिवसेनेचे सर्व पदाधिकारी आणि आजी-माजी नगरसेवक यांनी या आंदोलनाला उपस्थिती लावून गेली पाच वर्ष महानगरपालिकेवर सत्ता असलेल्या भाजपच्या कामकाजाची कॅग मार्फत चौकशी करण्यात यावी अशी मागणी केली आहे.
अधिक वाचा : काँग्रेसला मोठे खिंडार ! गुलाम नबी आझाद यांच्या समर्थनार्थ 64 नेत्यांचा सदस्यत्वाचा राजीनामा
स्मार्ट सिटी , जायका नदी सुधार प्रकल्प यांसारख्या अनेक विकास कामाच्या योजना या पाच वर्षांमध्ये आखण्यात आल्या होत्या. या कामकाजावर कोट्यावधी रुपयांचा खर्च देखील करण्यात आला . परंतु प्रत्यक्षात ही कामे झालीच नाहीत या वरूनच सत्ताधाऱ्यांनी भ्रष्टाचार केल्याचा आरोप शहराध्यक्ष संजय मोरे यांनी केला आहे.
अपूर्ण राहिलेली विकास कामे ,भ्रष्टाचार ,कोट्यावधी रुपयांचा खर्च यामुळे गेल्या पाच वर्षांमध्ये भाजप सत्तेत असताना झालेल्या कामकाजाची कॅगमार्फत चौकशी करण्याची मागणी शिवसेनेच्या वतीने करण्यात आली आहे.