भंडाऱ्यात शेतशिवारात पट्टेदार वाघ आढळला मृतावस्थेत

452 0

भंडारा- भंडारा येथून 6 किलोमीटर अंतरावरील एका शेतशिवारात पट्टेदार वाघ मृतावस्थेत आढळून आला. ही घटना भंडारा वनपरिक्षेत्र कार्यालया अंतर्गत येणाऱ्या डोडमाझरी गटातील एका खासगी शेतशिवारात शुक्रवारी दुपारी 3 वाजताच्या सुमारास उघडकीस आली. यामुळे जिल्ह्यात मोठी खळबळ उडाली आहे.

रुद्र बी २ असे मृतावस्थेत आढळलेल्या पट्टेदार वाघाची ओळख आहे. भंडारा- कलकत्ता राष्ट्रीय महामार्गावर असलेल्या भिलेवाडा येथून जवळच असलेल्या पलाडी शेतशिवारात ही घटना उघडकीस आली. अशोक दसाराम भोंगाडे यांच्या गट क्रमांक 42 मधून वाहणाऱ्या नाल्यालगत एक पट्टेदार वाघ मृतावस्थेत असल्याची माहिती परिसरातील शेतकऱ्यांना दुपारी तीन वाजताच्या सुमारास लक्षात आली. याची माहिती ग्रामस्थांनी तातडीने भंडारा वनपरिक्षेत्र अधिकारी विवेक राजूरकर यांना दिली.

माहिती मिळताच राजूरकर हे आपल्या वन कर्मचाऱ्यांसह घटनास्थळी पोहचले. यावेळी प्रथमदर्शनी वाघाच्या तोंडातून रक्त निघाले दिसून आले, त्यामुळे राष्ट्रीय महामार्गावरून सदर वाघ मार्गक्रमण करत असताना कदाचित एखाद्या वाहनाला त्याची धडक बसली असावी आणि त्यात तो जखमी होऊन मृत पावला असावा, असा संशय व्यक्त करण्यात येत आहे. घटनास्थळ परिसर कोका अभयारण्यालगत असल्याने हा वन्य प्राण्यांचा मार्ग म्हणून ओळखला जातो. घटनास्थळी उपवनसंरक्षक एस. बी. भलावी, अप्पर पोलीस अधीक्षक अनिकेत भारती, कारधाचे ठाणेदार राजेश थोरात, क्षेत्र सहाय्यक आय. एम. सय्यद, बिटरक्षक ए. एन. नरडांगे, क्षेत्र सहायक नागदेवे, वनकर्मचारी सचिन नरड यांच्यासह वनकर्मचारी घटनास्थळी पोहोचले. दरम्यान, मृत वाघाच्या शवविच्छेदनासाठी पशुधन विकास अधिकारी डॉ गुणवंत भडके हे आपल्या पथकासह पोहोचले

Share This News

Related Post

आर्ट इंडिया फाउंडेशनचे संस्थापक मिलिंद साठे यांचे निधन

Posted by - February 11, 2023 0
आर्ट इंडिया फाउंडेशन संस्थापक, इंडिया आर्ट गॅलरीचे संचालक आणि खुला आसमान या राष्ट्रीय स्तरावरील चित्रकला स्पर्धेचे संयोजक मिलिंद साठे (वय…

गायिका कनिका कपूर पुन्हा अडकली लग्नबंधनात

Posted by - May 20, 2022 0
बॉलिवूडच्या अनेक गाण्यांनी प्रेक्षकांचे मनं जिंकणारी कनिका कपूर लग्नबंधनात अडकली आहे. कनिकाचे मेहेंदीपासून ते प्रि वेडिंग शूटचे अनेक फोटो समोर…

रणबीर- आलियाच्या वयातील अंतर; आलिया रणबीरपेक्षा ‘इतक्या’ वर्षांनी आहे लहान

Posted by - April 14, 2022 0
प्रेमात सगळं काही माफ असतं असं म्हटलं जातं.अशा अनेक सेलिब्रिटी जोड्या आहेत, ज्यांच्या वयामध्ये कमालीचं अंतर आहे. त्यामुळेच रणबीर- आलियाच्या…

नेटफ्लिक्स फुक्कट वापरणे बंद होणार ! त्यासाठी कंपनी करणार महत्वाचा बदल… जाणून घ्या !

Posted by - May 16, 2022 0
नवी दिल्ली- नेटफ्लिक्स, अॅमेझॉन प्राइम व्हिडीओ सारख्या ओटीटी प्लॅटफॉर्म्सवर सध्या सगळेच उड्या घेताना आपण पहातो. विशेषतः अशा ओटीटी प्लॅटफॉर्मला पसंती…
Strong Relation

Strong Relation : आपल्यामधील नाते अधिक घट्ट करायचे असेल तर प्रत्येक जोडप्याने सकाळी उठल्यानंतर करावीत ‘ही’ 5 कामे

Posted by - August 22, 2023 0
लग्नानंतर नवरा-बायको या नव्या नात्याची (Strong Relation) सुरुवात होते. या नात्यात (Strong Relation) प्रेम, काळजी, जिव्हाळा, आपुलकी व समजूतदारपणा असेल…

Leave a comment

Your email address will not be published. Required fields are marked *