ऑफिसमध्ये वामकुक्षी हे वाचल्यानंतर अनेकांनी कान नक्कीच टवकारले असतील. कारण ऑफिसमध्ये सकाळपासून काम केल्यानंतर दुपारच्या वेळी जेवण झाल्यावर डोळ्यावर नक्कीच झापड येत असते . मग अशावेळी कॉफी , एखादी छोटीशी चक्कर , डोळ्यावर पाणी मारणे असे अनेक प्रकार तुम्ही करून पाहिले असतील . मग अशावेळी जर ऑफिसमध्येच एखादी डुलकी घेता आली तर ? किती छान होईल , असं तुमच्या मनातही आलं असणारच… !
पण थांबा ही बातमी भारतासाठी नाहीये. त्यामुळे तुम्हाला ही इच्छा सध्या तरी पूर्ण करता येणार नाही . तरी ही बातमी आहे जपानमधली , कारण जपान मधील लोक हे अधिक तास काम करतात . मोठ्या शिफ्टमध्ये काम करणाऱ्या कर्मचाऱ्यांना घटकाभर विश्रांती घेऊन पुन्हा कामांमध्ये वेग देता यावा , यासाठी ही शक्कल लढवण्यात आली आहे.
यासाठी जपानमधील दोन फर्निचर कंपन्यांनी मॅप बॉक्स तयार केला आहे. यामध्ये मोठ्या शिफ्टचे कर्मचारी आराम करू शकतात, परंतु यासाठी एक विचित्र अट देखील घालण्यात आली आहे . तर ही अट आहे की, तुम्हाला पाठ टेकून झोपता येणार नाहीये. तुम्हाला या बॉक्समध्ये उभच राहून झोपावे लागणारे . आता खरंतर उभं राहून या लोकांना कितपत आराम मिळेल हे सांगता येत नाही.
