सुदीप्तो सेन दिग्दर्शित ‘द केरळ स्टोरी’ (‘The Kerala Story’) हा चित्रपट प्रदर्शना पुर्वीच वादात अडकला होता. या वादातच हा चित्रपट 5 मे रोजी थिएटरमध्ये प्रदर्शित झाला. या चित्रपटाला (‘The Kerala Story’) रिलीजनंतर वादाच्या आणि पाठिंब्याच्या मालिकेत ” द केरळ स्टोरी” चित्रपटाने बॉक्स ऑफिसवर 238.42 कोटींची कमाई केली. हा चित्रपट केवळ 30 कोटींच्या बजेटमध्ये तयार करण्यात आला आहे.
हिंदू मुलाशी मैत्री केली म्हणून भर बाजारात जमावाचे मुस्लीम मुलींशी गैरवर्तन (Video)
अलीकडेच “द केरळ स्टोरी” (‘The Kerala Story’) हा चित्रपट ओटीटीवर प्रदर्शित होणार असल्याच्या बातम्या येत होत्या. पण आता चित्रपटाचे दिग्दर्शक सुदीप्तो सेन यांनी माध्यमांशी बोलतांना एक धक्कादायक खुलासा केला आहे. चित्रपटसृष्टीत “द केरळ स्टोरी” या चित्रपटाविरोधात एक टोळी तयार झाली असून, त्यामुळे “द केरळ स्टोरी” चित्रपटाला ओटीटीवर खरेदीदार आणि चांगली डील मिळत नसल्याने सुदीप्तो सेन निराश झाले आहेत.
“द केरळ स्टोरी” (‘The Kerala Story’) हा चित्रपट केरळमधील काही महिलांची कथा सांगतो. ज्यांचा विश्वासघात करून त्यांना इस्लाम धर्म स्वीकारण्यास आणि नंतर ISIS मध्ये सहभागी होण्यास भाग पाडले जाते. ‘द केरळ स्टोरी’ चित्रपटाचे दिग्दर्शन सुदिप्तो सेन यांनी केले असून निर्मिती विपुल अमृतलाल शाह यांनी केली आहे. या चित्रपटात अदा शर्मा, योगिता बिहानी, सोनिया बालानी आणि सिद्धी इदनानी आदी कलाकारांच्या मुख्य भूमिका आहेत.
