भोपाळ : देशात लोकसभेच्या तीन टप्प्यांमधील मतदान पूर्ण झाले आहे. मात्र, तिसऱ्या टप्प्यातील मतदानानंतर सोशल मीडियावर एक व्हिडिओ व्हायरल झाला असून या व्हिडीओमुळे नवीन वादाला सुरुवात झाली आहे. हा व्हिडीओ मध्य प्रदेशमधील भोपाळच्या बिरासियामधील असल्याची माहिती समोर येत असून या व्हिडीओमध्ये चक्क एक लहान मुलगा ईव्हीएमवरील बटण दाबून मतदान करताना दिसत आहे.
नेमके काय आहे व्हिडिओ मध्ये?
मिळालेल्या माहितीनुसार, भारतीय जनता पार्टीचे पंचायत सदस्य असलेले विनय मेहर यांच्या मुलाचा हा व्हिडीओ असल्याचे समोर आले असून विनय यांच्याबरोबर त्यांच्या मुलगा मतदानासाठी गेला असताना विनय यांनीच हा व्हिडीओ काढल्याचे व्हिडीओवरुन स्पष्ट होत आहे. मंगळवारी म्हणजेच 7 मे रोजी मतदानकेंद्रावर मतदान करताना विनय यांनी आपल्या मुलाला ईव्हीएमवरील बटण दाबायला सांगितलं आणि हा व्हिडीओ काढला असं दिसत आहे. वडिलांच्यावतीने त्यांच्या अल्पवयीन मुलाने मतदान केल्याचं कॅमेरात रेकॉर्ड झाले आहे. तर यानंतर विनय मेहेर हे, “ओके, हे पुरेसं आहे,” असं म्हणत असल्याचे ऐकू येत आहे.
भाजपा ने चुनाव आयोग को बच्चों का खिलवाड़ बना दिया है। भोपाल में भाजपा के जिला पंचायत सदस्य विनय मेहर ने नाबालिग बेटे से डलवाया वोट। वोट डालते वक्त का विनय मेहर ने वीडियो भी बनाया। वीडियो फेसबुक पर विनय मेहर ने किया पोस्ट।
कोई कार्रवाई होगी? pic.twitter.com/M7kSZUJtCW— Piyush Babele||पीयूष बबेले (@BabelePiyush) May 9, 2024
जिल्हाधिकाऱ्यांनी दिले तपासाचे आदेश…
या प्रकरणावर अद्याप निवडणूक आयोगाने कोणतीही प्रतिक्रिया नोंदवलेली नाही आहे. मात्र, जिल्हाधिकारी कुशलेंद्र विक्रम सिंह यांनी सदर प्रकरणाच्या चौकशीचे आदेश दिले असून तेथील निवडणूक अधिकारी संदीप सियानी यांना निलंबित करण्यात आले असून भाजपा नेत्याविरुद्ध एफआयआर दाखल करण्यात आली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune News : खळबळजनक ! पुण्यातील एनडीए परिसरात खोदकाम करताना आढळला बॉम्ब; जंगलात नेवून केला स्फोट
