पुणे : पुणे शहरात (Pune News) एकामागून एक गुन्हेगारी कारवाय वाढताना दिसूत येत आहेत, काल मध्यरात्री पुणे स्टेशन परीसरात ससून रूग्णालयासमोर वंचित बहुजन आघाडी पक्षाचे पुणे शहराचे कार्यकारी अध्यक्ष प्रफुल्ल गुजर यांच्यावर दोन अज्ञात इसमाकंडून हल्ला करण्यात आला. सुदैवाने ते थोडक्यात बचावले असून त्यांच्या हाताला दुखापत झाली आहे.
याबाबतची हकीकत अशी की प्रफुल्ल गुजर हे ससून रूग्णालयात वास्तवास आहेत व ससून रूग्णालयात रूग्णसेवेकामी नागरिकांची गेली अनेक वर्षे कामे करत आहेत. काल मध्यरात्री 2 वाजण्याच्या सुमारास ते आपल्या काही मित्रांसह ससून रूग्णालयाच्या गेटसमोर चहा घेण्यासाठी थांबलेले असताना दुचाकी वरून आलेल्या दोन अज्ञात इसमांकडून त्यांच्यावर हल्ला करण्यात आला. ते आपल्या दुचाकी वाहनावरून घराकडे निघालेले असताना हल्लेखारांनी त्यांच्याकडील शस्त्राने गुजर यांच्यावर हल्ला केला परंतू वेळीच सावध झाल्याने गुजर थोडक्यात बचावले. हल्लेखोर पुढे पुणे स्टेशनच्या दिशेने आपल्या दुचाकीवरून पळून गेले. या हल्ल्यात गुजर यांच्या हाताला दुखापत झालेली असून स्टेशन परीसरात खळबळ उडाल्याचे पाहायला मिळाले.
प्रफुल्ल गुजर यांच्यावर ससून रूग्णालयात प्राथमिक उपचार करण्यात आले असून पुढील तपासण्या सुरू आहेत. अचानक घडलेल्या या प्रकारेमुळे परीसरात गोंधळ उडाला. गुजर राजकीय व सामाजिक क्षेत्रात कार्यरत असल्याने या हल्ल्यामागे काही राजकीय हेतू आहे किंवा कसे याबाबत सखोल तपास व्हावा अशी मागणी त्यांच्या कुटुंबियांनी व पक्षातील सहका-यांनी केली आहे. घडलेल्या प्रकाराबाबत बंडगार्डन पोलिस स्थानकात गुन्हा नोंद करण्यात आला असून पुढील तपास पोलिस उपनिरीक्षक श्री. धनवडे करीत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Maratha Reservation : सरकारचं शिष्टमंडळ आज जरांगेच्या भेटीला; नवीन ‘ड्राफ्ट’ सादर करणार
Maratha Reservation : सरकारचं शिष्टमंडळ आज जरांगेच्या भेटीला; नवीन ‘ड्राफ्ट’ सादर करणार
Ram Mandir Ayodhya : ‘त्या’ ऐतिहासिक सोहळ्याला आजपासून सुरुवात!
Mumbai Accident : मुंबईमध्ये भीषण अपघात; डंपरने दिलेल्या धडकेत 3 जणांचा मृत्यू
Rashmi Thackeray : रश्मी ठाकरे यांच्या नेतृत्वाखाली ‘स्त्री शक्ती संवाद यात्रे’चं आयोजन
Ramdas Athawale : अकोल्याची जागा प्रकाश आंबेडकरांसाठी सोडली; रामदास आठवले यांचे मोठे वक्तव्य
FASTag : 31 जानेवारीच्या अगोदर करून घ्या ‘हे’ काम अन्यथा तुमच्या कारचा FASTag होणार बंद
Suicide : प्रेम प्रकरणातून तरुणीने फ्लायओव्हरवरून थेट पाण्यात मारली उडी; Video व्हायरल
