अहमदनगर : संपूर्ण राज्यात खळबळ उडवून देणाऱ्या दर्शना पवार हत्या प्रकरणी (Darshana Pawar Murder Case) पुणे ग्रामीण पोलिसांनी संशयित आरोपी राहुल हंडोरेला अटक केली आहे. दर्शना पवार बेपत्ता झाल्याच्या आधी शेवटची ती राहुल हंडोरेसोबत दिसली होती. हे दोघेजण राजगडावर गेले होते. त्यानंतर राजगडावरून फक्त राहुल हंडोरे एकटाच माघारी आला होता. राजगडाच्या पायथ्यशी असलेल्या हॉटेलच्या सीसीटीव्हीमध्ये तो कैद झाला होता. राहुलला अटक झाल्यानंतर दर्शनाच्या कुटुंबीयांनी संताप (Darshana Pawar Murder Case) व्यक्त केला असून तिच्या भावाने आरोपीला आमच्या ताब्यात द्या अन्यथा मारून टाका अशी प्रतिक्रिया दिली आहे.
प्रेमप्रकरणातून केली हत्या
राहुलने प्रेमप्रकरणातून तिची हत्या केली असल्याचं प्रथमदर्शनी समोर आले आहे. राहुल आणि दर्शनाचे प्रेमप्रकरण होते आणि तिच्या परीक्षेआधी दोघांचे ब्रेकअप झाले होते. तर दर्शनाने एमपीएससीची परीक्षा उत्तीर्ण केल्यानंतर राहुलने पुन्हा तिला लग्नासाठी विचारले. याला नकार दिल्यामुळे राहुलने तिला राजगडावर नेऊन तिची हत्या केली. यानंतर राहुल वेगवेगळ्या राज्यात गेला होता. शेवटी त्याला मुंबईतून अटक करण्यात आली.
दर्शनाच्या आईने दिली ‘ही’ प्रतिक्रिया
दर्शनाच्या आईने मुलीच्या हत्या प्रकरणी (Darshana Pawar Murder Case) राहुलला अटक झाल्यानंतर प्रतिक्रिया दिली आहे. “माझ्या मुलीचे जसे तुकडे केले तसे त्याचे करू द्या. मला माझ्या मुलीला न्याय द्यायचा आहे आणि तो मीच देवू शकते. माझी मुलगी गेलीय, तशा इतरांच्या मुली जावू नये. आरोपीला आमच्या ताब्यात द्या, नाहीतर फाशी द्या” अशी प्रतिक्रिया दिली आहे.
