बीड : बीडमधून एक धक्कादायक व्हिडिओ (Viral Video) समोर आला आहे. यामध्ये एका शाळेतील शिक्षिका आणि खिचडी शिजवणारी महिला या दोघींमध्ये जोरदार हाणामारी (Viral Video) झाल्याचे दिसत आहे. या दोघीजणी अक्षरशः एकमेकांचे केस ओढताना दिसत आहेत. सध्या त्यांच्या या हाणामारीचा व्हिडिओ सोशल मीडियावर मोठ्या प्रमाणात व्हायरल होताना दिसत आहे. जोड हिंगणी येथील जिल्हा परिषद शाळेतील हा व्हिडीओ असल्याचे समजत आहे. दर्जेदार आहार देत नसल्याचा जाब महिला शिक्षिकाने विचारल्यावर खिचडी शिजवणाऱ्या महिलेने ही मारहाण केल्याचे समजत आहे.
काय आहे संपूर्ण प्रकरण?
जोड हिंगणी येथे जिल्हा परिषद प्राथमिक शाळा आहे. दरम्यान याच शाळेतील पहिली ते चौथी वर्गात अंदाजे 60 विद्यार्थी शिक्षण घेतात. त्यामुळे सरकारकडून या मुलांना आहार दिला जातो. पण, येथील विद्यार्थ्यांना खिचडी शिजवणाऱ्या महिलेकडून दर्जेदार आहार दिला जात नसल्याचा आरोप आहे. हा सर्व प्रकार नेहमीचाच झाल्याने येथील एका महिला शिक्षिकेने शनिवारी खिचडी शिजवणाऱ्या महिलेस विद्यार्थ्यांना पोट भरुन पोषण आहार देण्याची मागणी केली. त्यामुळे याचा संबंधित महिलेला राग आला. त्यामुळे खिचडी शिजवणाऱ्या महिलेने या शिक्षिकेसोबत हुज्जत घातली.
खिचडी शिजवण्यावरुन दोन महिलांमध्ये तुफान हाणामारी pic.twitter.com/pOHtDzs4XB
— TOP NEWS MARATHI (@Topnewsmarathi) July 30, 2023
यानंतर याचे रूपांतर हाणामारीत झाले. वाद एवढा वाढला की या दोघींनी एकमेकांचे केस धरले. तसेच मारहाण देखील सुरु केली. यावेळी तिथे उपस्थित असलेल्या इतर महिला त्यांचा वाद सोडवण्यासाठी प्रयत्न करत होत्या, मात्र दोघेही ऐकण्याच्या मनस्थितीत नव्हत्या. दोन्ही हातांनी केस पकडून एकमेकींना लाथा मारत असल्याचे या व्हिडिओमध्ये दिसत आहे. यावेळी उपस्थित असलेल्या काही गावकऱ्यांनी हा सर्व प्रकार मोबाईलमध्ये कैद केला.सध्या हा व्हिडिओ सोशल मीडियावर मोठ्या प्रमाणात व्हायरल होताना दिसत आहे.
