पुणे : शरद मोहोळ (Sharad Mohol) हत्या प्रकरणात एक मोठी घडामोड समोर आली आहे. पोलिसांनी या प्रकरणी आणखी आकरा जणांना अटक केली आहे. मोहोळ हत्येच्या कटात सहभागी असल्याचा आरोपाखाली त्यांना अटक करण्यात आली आहे. पुण्यातून पाच जण तर पनवेलमधून सहा जणांना ताब्यात घेण्यात आलं आहे. विठ्ठल शेलार याच्यासह 11 जणांना ताब्यात घेण्यात आलं आहे.
मुन्ना पोळेकरसह हल्लेखोरांनी गोळीबाराचा सराव कुठे केला, त्यांना आर्थिक रसद कुणी पुरवली, पिस्तुल कुठून आणली याचा तपास पोलिसांकडून करण्यात येत आहे. हडशी इथं गोळीबाराचा महिनाभर सराव केल्याचं तपासात समोर आलं होतं. याशिवाय त्यांना आर्थिक मदत करणाऱ्या दोघांनाही अटक केली आहे. आतापर्यंत पोलिसांनी या प्रकरणात 23 जणांना अटक केली असून यामध्ये 2 वकिलांचादेखील समावेश आहे.
काय घडले होते नेमके?
कुख्यात गँगस्टर शरद मोहोळ (Sharad Mohol) याची 5 जानेवारी रोजी पुण्यात भरदुपारी गोळ्या घालून हत्या करण्यात आली. शरद मोहोळ याच्या लग्नाच्या वाढदिवशी घराजवळ कोथरुडच्या सुतारदरा भागात त्याच्यावर गोळीबार करण्यात आला. गोळीबारानंतर मोहोळला लगेचच जवळच्या सह्याद्री हॉस्पिटलमध्ये दाखल करण्यात आले. मात्र, प्रकृती गंभीर असल्याने त्याला ससून हॉस्पिटलमध्ये नेण्यात आले. या ठिकाणी त्याचा उपचारादरम्यान मृत्यू झाला.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Rohit Sharma : रोहित शर्मा मैदानात उतरताच करणार ‘हा’ मोठा विश्वविक्रम
Milind Deora : मिलिंद देवरांसोबत ‘या’ पदाधिकाऱ्यांनी केला शिवसेनेत प्रवेश
Viral Video : धावत्या दुचाकीवर एकमेकांना मिठी मारत अन् अंगावर ब्लँकेट घेत जोडप्याने केले नको ते चाळे
Pune News : खुशखबर ! अष्टविनायक दर्शनासाठी आता एसटीची विशेष सेवा
Gold Rate Today : सोनं-चांदी महागली!
Mumbai Accident : भरधाव बाईकस्वराने आईसह सहा महिन्यांच्या चिमुकल्याला उडवलं
