मुंबई : येत्या जूनपासून टी-20 विश्वचषकाला सुरुवात होणार आहे. या वर्ल्डकपमध्ये (ICC T-20 World Cup 2024) एकूण 20 संघ एकमेकांना भिडणार आहेत. या वर्ल्डकपचे यजमानपद वेस्ट इंडिज आणि युनायटेड स्टेटकडे आहे. यंदाच्या वर्ल्डकपमध्ये एकूण 20 संघ सहभागी होणार आहेत. या T20 विश्वचषकात एकूण 55 सामने खेळवले जाणार आहेत. यामध्ये इंडिया, न्यूझीलंड, ओमान, पाकिस्तान, पापुआ न्यू गिनी, स्कॉटलँड, श्रीलंका, युगांडा, वेस्ट इंडिज, यूएसए, बांगलादेश, ऑस्ट्रेलिया, कॅनडा, आयर्लंड, नेपाळ, दक्षिण आफ्रिका, नामिबिया, नेदरलँड्स, अफगाणिस्तान, आणि इंग्लंड यांचा समावेश आहे. आगामी टी-20 विश्वचषकात 5 दिग्गज खेळाडू फ्लॉप ठरू शकतात. हे खेळाडू कोण आहेत जाणून घेऊया…
केन विलियमसन
न्यूझीलंड संघाचा कर्णधार केन विलियमसन शेवटचा टी-20 विश्वचषक खेळणार आहे. परंतु सध्याची कामगिरी पाहिल्यास त्याला धावा करता आलेल्या नाही. आयपीएलमध्ये तो गुजरातच्या संघात होता. परंतु यामध्ये त्याला फक्त 2 सामने खेळण्याची संधी मिळाली. यामध्ये त्याने 27 धावा केल्या होत्या.
जॉनी बेयरस्ट्रो
इंग्लंडचा अनुभवी विकेटकीपर फलंदाज जॉनी बेयरस्ट्रो आयपीएलमध्ये पंजाब किंग्सकडून खेळत होता. परंतु त्याने चांगली कामगिरी केलेली नाही. केकेआरविरुद्ध शतक झळकवण्याव्यतिरिक्त तो धावा करण्यात अपयशी ठरला. त्याने 11 सामन्यात 298 धावा केल्या.
बाबर आझम
पाकिस्तान संघाचा कर्णधार बाबर आझमदेखील सध्या खराब फॉर्ममधून जात आहे. आगामी टी-20 विश्वचषकात बाबर आझम फ्लॉप ठरु शकतो. बाबर आझमचा टी-20मधील स्टाइक रेट 130 पेक्षाही कमी आहे.
ग्लेन मॅक्सवेल
ऑस्ट्रेलिया संघाचा अष्टपैलू खेळाडू ग्लेन मॅक्सवेल मोठ्या स्पर्धेत चांगली कामगिरी करतो. मात्र आयपीएलमध्ये त्याने धावा केल्या नाही. 10 सामन्यात त्याने फक्त 52 धावा केल्या तसेच 6 विकेट्स घेतल्या आहेत.
ऋषभ पंत
कार अपघातानंतर भारतीय संघाचा विकेटकीपर फलंदाज ऋषभ पंत पुन्हा संघात पुनरागमन करणार आहे. आयपीएलमध्ये पंतने चांगली कामगिरी केली. 13 सामन्यात 446 धावा केल्या. भारतात पंत चांगली कामगिरी करतो, पंरतु परदेशात त्याला साजेशी अशी कामगिरी करता आलेली नाही.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
