पुणे : शिवणे एनडीए परिसरात बाँब सापडल्यामुळे मोठी खळबळ उडाली आहे. शिवणे एनडीए परिसराच्या जवळील कमळजाई मंदिर परिसरात पुलाच्या बांधकामासाठी खोदकाम सुरू असताना एक बॉम्ब आढळल्यामुळे बॉम्ब नाशक पथकाच्या साहाय्याने तो एनडीएच्या जंगलात नेऊन स्फोट करून बॉम्ब नष्ट करण्यात आला आहे. एनडीएसारख्या देशातील अतिशय महत्त्वाच्या ठिकाणी बॉम्ब सापडल्याने परिसरात खळबळ परसरली होती.
नेमके काय घडले?
पोलिसांनी दिलेल्या माहितीनुसार, उत्तमनगर पोलिस स्टेशनच्या हद्दीत एनडीए रस्त्यावरील कमळजाई मंदिराजवळ एका ओढ्यावरील पुलाचे बांधकाम सार्वजनिक बांधकाम विभागाकडून सुरु होते. यावेळी पुलाच्या खोदकाम सुरु असताना दुपारच्या सुमारास मजुरांना बॉम्बसदृश्य वस्तू आढळताच कर्मचाऱ्याने ठेकेदाराला बोलवून पोलिसांना या घटनेची माहिती दिली. त्यानंतर उत्तमनगर पोलीस ठाण्याचे पथक तात्काळ घटना स्थळी दाखल झाले होते.
त्यानंतर बॉम्बशोधक पथकाला बोलवून तपासणी केल्यानंतर समोर आले कि कमी शक्तीचा आणि जुना बॉम्ब आल्यामुळे बॉम्ब क्षीण झाला आहे असा निष्कर्ष काढण्यात आला. त्यानंतर हा बॉम्ब सुनसान भाग असलेल्या एनडीएच्या जंगलात स्फोटकांच्या साहाय्याने स्फोट करण्यात आला आहे. शेजारी एनडीएची हद्द असल्यामुळे खूप वर्षांपूर्वी हा बॉम्ब तिथे पडलेला असू शकतो, असा अंदाज वर्तवण्यात आला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
