कोल्हापूर : कोल्हापूरमधून (Kolhapur Crime) आई आणि मुलाच्या नात्याला काळिमा फासणारी घटना समोर आली आहे. यामध्ये आरोपी मुलाने आपल्या जन्मदात्या आईची निर्घृणपणे हत्या केली आहे. कोल्हापूरच्या साळोखे पार्क परिसरात ही घटना घडली आहे. सादिक मुजावर असे आरोपी मुलाचं नाव आहे तर शहनाज मुजावर असे हत्या करण्यात आलेल्या आईचे नाव आहे. या घटनेमुळे जिल्ह्यात मोठी खळबळ उडाली आहे.
काय घडले नेमके?
सादिक हा आपल्या पत्नीसोबत फोनवर बोलत होता. मात्र त्याची आई मध्येच बोलल्यानं त्याला राग आला, याच रागाच्या भरात त्याने आपल्या आईची हत्या केली. कोल्हापूरच्या साळोखे पार्क परिसरात कौटुंबिक वादातून हा धक्कादायक प्रकार घडला आहे. सादिकने आपल्या आईच्या छातीवर, पोटावर, पाठीवर सुऱ्यानं वार करून त्यांची निर्घृणपणे हत्या केली.
बायकोसोबत बोलत असताना आईमध्येच बोलल्याचा राग आल्यानं आरोपीने आपल्या आईची हत्या केल्याने परिसरात एकच खळबळ उडाली. या प्रकरणी राजारामपुरी पोलिस ठाण्यात तक्रार दाखल करण्यात आली असून आरोपीला अटक करण्यात आली आहे. घटनेबाबत अधिक तपास सुरू असल्याची माहिती पोलिसांकडून देण्यात आली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Maharashtra Din 2024 : संयुक्त महाराष्ट्र चळवळीमध्ये 107 हुतात्म्यांनी गमावले होते आपले प्राण
Maharashtra Politics : महायुतीकडून कल्याण आणि ठाण्याच्या उमेदवारांची नावे जाहीर
