ठाणे : कसारा रेल्वे स्थानकात एक धक्कादायक (Thane News) घटना घडली आहे. यामध्ये एका RPF जवानाचा दुर्दैवी मृत्यू झाला आहे. प्रवाशांच्या तक्रारी ऐकण्यासाठी डब्यात गेलेल्या (Thane News) आरपीएफ जवानाचा ट्रेनमधून उतरताना तोल गेल्याने खाली पडून जागीच मृत्यू झाला आहे. रविवारी सकाळी 6.45 वाजताच्या सुमारास ही घटना घडली आहे.
काय घडले नेमके?
कल्याणमधील रहिवासी असलेले आरपीएफ जवान दिलीप सोनवणे (53) शनिवारी रात्री कसारा येथे रात्री ड्युटीवर होते. सकाळी सातच्या सुमारास एलटीटी-कानपूर एक्स्प्रेसमधील प्रवाशांनी त्यांना मदतीसाठी हाक मारली. तक्रारीचे निवारण करण्यासाठी रेल्वेत चढले.यानंतर गाडी सुरु झाली. आणि त्यानंतर चालत्या ट्रेनमधून आरपीएफ जवान दिलीप सोनवणे यांनी उतरण्याचा प्रयत्न केला मात्र त्यांचा तोल जाऊन दुर्दैवी मृत्यू झाला.
कसारा येथील इन्स्पेक्टर सैनी यांनी या घटनेला दुजोरा दिला आहे. ही अत्यंत दुःखद घटना आहे. दिलीप सोनवणे ड्युटीवर होते. ते ट्रेनमधून खाली उतरत असताना प्रवाशांच्या तक्रारीची दखल घेत हा अपघात झाला असे इन्स्पेक्टर सैनी म्हणाले आहेत. आरपीएफचे जवान दिलीप सोनवणे हे कुटुंबासह कल्याणमध्ये राहत होते. त्यांना दोन मुले आणि एक मुलगी आहे. या घटनेमुळे सोनावणे यांच्या कुटुंबियांना मोठा धक्का बसला आहे.
