नागपूर : राज्यात पावसाळी अधिवेशनला सुरू होऊन जवळपास एक आठवडा उलटला आहे. तरीदेखील अजूनपर्यंत विरोधी पक्षनेत्याची निवड (Leader of the Opposition) करण्यात आलेली नाही. विधानसभेचे विरोधी पक्षनेते (Leader of the Opposition) अजित पवार यांच्या राजीनाम्यानंतर हे पद रिक्त झाले होते, तेव्हापासून हे पद रिक्तच आहे. अजित पवार यांनी आपल्या काही समर्थक आमदारांसह बंड केल्याने राष्ट्रवादीचे संख्याबळ कमी झाले. त्यामुळे आता या पदावर काँग्रेसकडून दावा करण्यात आला आहे. मात्र विरोधी पक्षनेता निवडीला विलंब होत असल्यामुळे राज्यात चर्चाना उधाण आले आहे. या सगळ्यांवर आता काँग्रेसचे प्रदेशाध्यक्ष नाना पटोले यांनी आपली प्रतिक्रिया दिली आहे.
Ahmadnagar News : धक्कादायक! अहमदनगरमध्ये मोठा शस्त्रसाठा जप्त; एकाला अटक
काय म्हणाले नाना पटोले?
काँग्रेस महत्त्वाच्या विरोधी पक्षाच्या (Leader of the Opposition) भूमिकेत सभागृहात काम करत आहे. दोन्ही सभागृहात आता आमचाच विरोधी पक्षनेता होऊ शकतो. विरोधी पक्षनेत्याच्या बाबतीमध्ये आमच्या हायकमांडने सहकारी पक्षाला विचारून निर्णय घेण्याचं ठरवलं आहे. त्यामुळे विरोधी पक्षनेत्याच्या निवडीला वेळ लागत आहे. या आठवड्यात यावर नक्की निर्णय होईल असे नाना पटोले म्हणाले आहेत.
