जालना : जालना (Jalna Murder) जिह्यातून एक मोठी बातमी समोर आली आहे. वंचित बहुजन आघाडीचे जिल्हा महासचिव यांची निर्घृणपणे हत्या (Jalna Murder) करण्यात आली. यामुळे राजकीय वर्तुळात मोठी खळबळ उडाली आहे. संतोष आढाव असे वंचितच्या जिल्हा महासचिवांचे नाव आहे. जमिनीच्या वादातून त्यांची हत्या करण्यात आली आहे. संतोष आढाव यांची हत्या त्यांच्या चुलत्यानेच केली असल्याचे समोर आले आहे. या घटनेची माहिती मिळताच पोलिसांनी तातडीने घटनास्थळी धाव घेऊन आरोपीला ताब्यात घेतले आहे. जालना पोलीस या घटनेचा पुढील तपास करत आहेत.
Ravindra Mahajani : हवापालटास आले अन् प्राण गमावले; रवींद्र महाजनींसोबत नेमकं काय घडलं?
जमिनीच्या वादातून हत्या?
जालन्यात (Jalna Murder) वंचित बहुजन आघाडीचे जिल्हा महासचिव संतोष आढाव यांची हत्या झाली आहे. शेतीच्या वादातून चुलत्यानेच ही हत्या केल्याचे समोर आले आहे. आढाव कुटुंबीयांना शासनाकडून रामनगर साखर कारखाना याठिकाणी गायरान जमीन मिळाली होती. मात्र याच जमिनीवरून संतोष आढाव आणि त्यांच्या चुलत्यांमध्ये वाद होता. काल रात्री चुलत्याने त्यांना चर्चेसाठी बोलावले. यावेळी चर्चेदरम्यान मोठा वाद झाला आणि याच वादातून संतोष आढाव यांची हत्या करण्यात आली.
Solapur News : सोलापूर हादरलं ! बायकोला विहिरीत ढकलून स्वतःदेखील केली आत्महत्या
या घटनेमुळे संपूर्ण जिल्ह्यात आणि राजकीय वर्तुळात मोठी खळबळ उडाली आहे. संतोष आढाव यांचा मृतदेह शवविच्छेदनासाठी जिल्हा सामान्य रुग्णालयात पाठवण्यात आला आहे. या हत्येप्रकरणी पोलिसांनी आरोपींना ताब्यात घेतले असून पुढील तपासाला सुरुवात केली आहे.
