पुणे : लोकसभेच्या निवडणूक तोंडावर आल्या आहेत. यासाठी सर्व राजकीय पक्षांनी तयारी सुरु केली आहे. या मध्ये महाराष्ट्रात देखील मविआने लोकसभेसाठी कंबर कसली आहे. यासोबतच स्वाभिमानी शेतकरी संघटनेचे (Swabhimani Shetkari Sanghatna) नेते राजू शेट्टी (Raju Shetti) यांनी देखील लोकसभेच्या दृष्टीने तयारी सुरु केली आहे. आगामी काळात होणाऱ्या लोकसभेच्या सहा जागा स्वाभिमानी शेतकरी संघटना लढवणार आहे अशी माहिती राजू शेट्टी यांनी दिली आहे.
सर्वांची ईडी (ED) चौकशी करा. माझ्या चौकशीचा विचार असेल तर त्यासाठी देखील मी तयार आहे असे स्वाभिमानी शेतकरी संघटनेचे नेते राजू शेट्टी म्हणाले आहेत. तसेच लोकसभेत आम्ही कोणत्याही पक्षासोबत युती करणार नाही असेदेखील राजू शेट्टी यांनी स्पष्ट केले आहे.
स्वाभिमानी पक्ष हा राज्यभरात सहा ठिकाणी लोकसभा निवडणूक लढणार आहे. यामध्ये राजू शेट्टी हे हातकणंगले मतदारसंघातून लोकसभा लढवणार आहेत. राज्यात एकून 48 लोकसभेच्या जागा आहेत. या जागांवर शिवसेना (Shivsena) आणि भाजपचे (BJP) खासदार आहेत. मात्र 2024 च्या निवडणुकीत कोणत्या पक्षाला किती जागा मिळणार हे पाहणे महत्वाचे ठरणार आहे.
