सध्या विचित्र हवामान पसरले आहे सकाळी आणि संध्याकाळी थंडावा असतो तर दुपारच्या उन्हाने जिवाजी तगमग होते. दुपारच्या कडक उन्हात फिरल्यामुळे तुम्हाला सन पॉयझनिंगचा त्रास होऊ शकतो. सन पॉयझनिंग म्हणजे काय ? त्याची लक्षणे कोणती आहेत आणि त्यापासून बचाव कसा करायचा हे जाणून घ्या
कडक सूर्यप्रकाशामुळे सनबर्नची समस्या उद्भवू शकते. सनबर्न आणि सन पॉयझनिंग हे एकच आहे, असं अनेकांना वाटतं. परंतु सन पॉयझनिंग हे सनबर्नपेक्षा जास्त धोकादायक आहे. जेव्हा आपण सूर्याच्या पॅराव्हायोलेट किरणांच्या संपर्कात बराच काळ असतो तेव्हा असं होतं. त्वचेची जळजळ सुरु होते आणि खवले तयार होऊ लागतात. ही समस्या दूर करण्यासाठी वैद्यकीय उपचार घ्यावे लागतात.
सन पॉयझनिंगची लक्षणे
त्वचा लालसर होणे आणि वेदना होणे
त्वचेचे खपली निघले आणि फोड येणे
डोकेदुखी
चक्कर येणे
डिहायड्रेशन होणे
मळमळ किंवा उलट्या होणे
भोवळ येणे
सन पॉयझनिंग वाढलं तर त्यातून पू किंवा पाणी येऊ लागतं. काही दिवसात वेदना आणि सूज येऊ लागते. सूर्यप्रकाशामुळे शरीरातील इलेक्ट्रोलाईट्स निघून जातात, तेव्हा गंभीर लक्षणे दिसू लागतात.
सन पॉयझनिंगपासून असा बचाव करा
सनस्क्रीन वापरा.
SPF 30 वरील सनस्क्रीन लोशन वापरा.
बाहेर जाण्यापूर्वी अर्धा तास आधी सनस्क्रीन वापरा
संपूर्ण त्वचा झाकल्यानंतरच घराबाहेर पडा.
बाहेर जाताना सुती कपडे घाला आणि घट्ट कपडे घालणे टाळा.
गडद रंगाचे कपडे घालणे टाळा, तसंच टोपी किंवा कापडाने डोकं झाका.
दिवसभरात सकाळी 10:00 ते दुपारी 4:00 पर्यंत घराबाहेर जाण्याचं टाळा.
स्वतःला जास्तीत जास्त हायड्रेट ठेवण्याचा प्रयत्न करा.
जर तुम्हाला खूप घाम येत असेल तर दर दोन तासांनी सनस्क्रीन लावा.
