पुणे : काल २६ फेब्रुवारी रोजी कसबा विधानसभा पोटनिवडणूक पार पडली. या पोट निवडणुकीमध्ये भाजपचे अधिकृत उमेदवार हेमंत रासने यांनी मतदान केले. परंतु मतदान करते वेळी त्यांनी त्यांच्या गळ्यामध्ये भाजपचे अधिकृत चिन्ह कमळ चिन्ह असलेले उपरणे गळ्यात घातले होते. यावरूनच आता आक्षेप घेतला जात असून निवडणूक आयोगानं याची गंभीर दखल घेतली आहे.
दरम्यान भाजप उमेदवार हेमंत रासने यांच्यावर गुन्हा दाखल करण्यात आला आहे. रासने यांच्यावर मतदान केंद्रात भाजपचे उपरणे घालून मतदान केल्याप्रकरणी निवडणूक निर्णय अधिकाऱ्यांनी गुन्हा दाखल केलाय.
प्रचार संपल्यानंतर पक्ष चिन्ह असलेले उपरणे गळ्यात घालून प्रचार केल्याचे निदर्शनास आल्याचा ठपका ठेवून निवडणुकीत आचारसंहितेचा भंग केल्याप्रकरणी हेमंत रासने यांच्यावर गुन्हा दाखल करण्यात आला आहे.
