शाळेत बसने किंवा व्हॅनने जाणाऱ्या लहान मुलांच्या बाबत आजपर्यंत अनेक वेगवेगळ्या घटना घडल्या आहेत. यामध्ये अपहरण ,शारीरिक अत्याचार ,अपघात ,आग लागणे अशा घटनांमुळे अनेक चिमुरड्यांचा जीव देखील गेलेला आहे. त्यामुळे अनेक पालक आपल्या मुलांना बसने किंवा व्हॅनने शाळेत पाठवताना विशेष काळजी घेतात.
पण हा व्हिडिओ पाहिल्यानंतर पुन्हा एकदा तुमच्या मनामध्ये शंकेची पाल नक्कीच चुकचुकेल. अपघात हे सांगून आणि मुद्दामहून होत नाहीत हे जरी खरे असले तरीही , या व्हिडिओमधील या महिला स्कूलबस चालकाची मोठी चूक देखील आहे. या व्हिडिओमध्ये तुम्ही पाहू शकता एक चिमुकली बस मधून खाली उतरते आहे. आणि त्यानंतर बसचा दरवाजा हळूहळू बंद होत.
HOLY SHIT.
The little girl is miraculously fine, the bus driver has been fired. pic.twitter.com/uuijsrNn2U— Dean Blundell🇨🇦 (@ItsDeanBlundell) September 23, 2022
पण या मुलीची स्कूल बॅग या दारामध्ये अडकते आणि बस चालू देखील होते. गंभीर बाब म्हणजे या स्कूलबस चालकाला ती चिमुकली बसच्या दारामध्ये अडकली असून फरपटत आहे, ही बाब बऱ्याच वेळ लक्षात आलं नाही. सुमारे एक हजार फूट फरपटत गेल्यानंतर ड्रायव्हरचे लक्ष या बाबीकडे गेले आणि त्यानंतर तिने बस थांबवली. या महिला बस चालकाला निलंबित करण्यात आल्याचे समजते. हि मुलगी या भयावह घटनेतून सुखरूप वाचली हे सुदैव म्हणावे लागेल .
