स्कायमेटने जाहीर केला यंदाच्या पर्जन्यमानाचा अंदाज

457 0

नवी दिल्ली- भारतातील अग्रगण्य वेदर फॉरकास्टिंग आणि अॅग्रीकल्चर रिस्क सोल्युशन कंपनी असलेल्या स्कायमेटनं 2022 या वर्षातील मान्सूनचा अंदाज वर्तवला आहे. स्कायमेटच्या अंदाजानुसार भारतामध्ये या वर्षी सरासरी 98 टक्के पाऊस पडण्याची शक्यता आहे. ५ टक्के कमी-अधिक होऊ शकतो.

स्कायमेटनं 21 फेब्रुवारी 2022 रोजी यावर्षीचा सर्वात पहिला मान्सून फॉरकास्ट जाहीर केला होता. आपल्या या पहिल्या प्राथमिक अंदाजावर ठाम राहत स्कायमेटनं यावर्षी मान्सून सामान्य असल्याचं म्हटलं आहे. या वर्षी एकूण 96 ते 104 टक्के पाऊस पडण्याची शक्यता आहे. स्कायमेटनं आपल्या अधिकृत वेबसाईटवर याबाबत माहिती प्रसिद्ध केली आहे.

साधारण जून महिन्यात भारतामध्ये मान्सूनचं आगमन होतं. भारतातील मान्सून पूर्णपणे हिंदी महासागर आणि अरबी समुद्रातून हिमालयाकडे येणाऱ्या मोसमी वाऱ्यांवर अवलंबून असतो. जेव्हा हे वारे भारताच्या नैऋत्य किनारपट्टीवरील पश्चिम घाटावर आदळतात तेव्हा भारत आणि त्याच्या आसपासच्या देशांमध्ये मुसळधार पाऊस पडतो. संपूर्ण दक्षिण आशियात जून ते सप्टेंबर या काळात हे वारे सक्रिय असतात. या वाऱ्यांचा अभ्यास करून सरकारी आणि विविध खासगी कंपन्या मान्सूनचा अंदाज लावतात.

स्कायमेटचे सीईओ योगेश पाटील यांच्या म्हणण्यानुसार, ‘गेल्या दोन पावसाळ्यांवर ला निना इव्हेंट्सचा (ला निना ही एक महासागरीय आणि वातावरणीय घटना आहे) परिणाम झाला होता. पूर्वी, ला निना हिवाळ्यात झपाट्यानं कमी होण्यास सुरुवात झाली होती. परंतु, आता पूर्वेकडील वाऱ्यांच्या तीव्रतेमुळं त्याचं पुनरागमन थांबलं आहे. सध्या ला निना आपल्या सर्वोच्च स्थितीमध्ये पोहचलेलं आहे. तरी देखील नैऋत्य मोसमी पाऊस सुरू होण्यापूर्वी पॅसिफिक महासागर शांत होण्याची शक्यता आहे. त्यामुळे, सहसा मान्सूनवर परिणाम करणारं ला निनो यावर्षी अडथळा ठरणार नाही. पण, मान्सूनच्या वर्तनातील आकस्मिक बदलांमुळं दीर्घ ड्राय स्पेलनंतर मुसळधार पाऊस पडण्याची अपेक्षा आहे.

Share This News

Related Post

“मराठी शाळा वाचल्याच पाहिजे !” पुण्यात छात्रभारती विद्यार्थी संघटनेने चिकटवले पोस्टर

Posted by - October 10, 2022 0
पुणे : कमी पटसंख्येच्या शाळा बंद करण्याच्या निर्णयाच्या निषेधार्थ छात्रभारती विद्यार्थी संघटनेच्या वतीने पुण्यातील स्वारगेट बस स्थानकावर 100 एस.टी बसेसला…

पिंपरी चिंचवड हादरले ! मंगळवारी हवेत गोळीबार करणारे तीन आरोपी पिंपरी पोलिसांच्या जाळ्यात; असे शोधले आरोपी

Posted by - December 7, 2022 0
पिंपरी चिंचवड : मंगळवारी सायंकाळी चिंचवड येथील पत्रा शेड तसेच पिंपरी येथील भाटनगर परिसरात तीन आरोपींनी हवेत गोळीबार केला. यावेळी…

बिबवेवाडीत मध्यरात्री गोळीबाराचा थरार, तरुण थोडक्यात बचावला (व्हिडिओ)

Posted by - February 8, 2022 0
पुणे- किरकोळ वादातून दहा ते अकरा जणांच्या टोळक्याने राडा घालून तरुणावर गोळीबार केला. वेळीच पळ काढल्यामुळे संबंधित तरुण थोडक्यात बचावला.…
parbhani

Parbhani News : सेप्टिक टँकची सफाई करताना पाच कामगारांचा दुर्दैवी मृत्यू; नेमके काय घडले?

Posted by - May 12, 2023 0
परभणी : परभणी जिल्ह्यातून एक धक्कादायक बातमी समोर आली आहे. यामध्ये सेप्टिक टॅंकची (septic tank) सफाई करताना पाच कामगारांना आपला…

Leave a comment

Your email address will not be published. Required fields are marked *