मिरज- दक्षिणेतील पुष्पा चित्रपटामुळे सध्या देशभर रक्तचंदनाच्या तस्करीचा विषय चर्चेत आहे. या सिनेमाची प्रेरणा घेऊन एका चोरट्याने तब्बल अडीच कोटींच्या रक्तचंदनाचे स्मगलिंग करण्याचा प्रयत्न केला. पण मिरज पोलिसांच्या सतर्कतेमुळे हा पुष्पा पोलिसांच्या जाळ्यात अडकला.
यासीन इनायतउल्ला खान (वय ४५, रा. अद्रिकरणहळी, बेंगलोर, कर्नाटक) असे या प्रकरणी अटक करण्यात आलेल्या आरोपीचे नाव आहे.
पोलीस अधीक्षक दीक्षित गेडाम यांनी दिलेल्या माहितीनुसार, रक्तचंदनाची अवैध वाहतूक करणारे एक वाहन सांगली शहरात येणार असल्याची माहिती मिरजेतील गांधी चौक पोलिस ठाण्याच्या अधिकाऱ्यांना मिळाली होती. त्यानुसार पोलिसांनी सोमवारी पहाटे तीनच्या सुमारास धामणी रोडवर थांबलेल्या टेम्पोची (13 KA-:6900) तपासणी केली. पोलीस आणि वन विभागाने केलेल्या कारवाईत रक्तचंदनाचे ३२ ओंडके आढळले. हे रक्तचंदन फळांच्या वाहतुकीसाठी वापरल्या जाणाऱ्या कॅरेटमागे लपवले होते. जप्त केलेल्या रक्तचंदनाची आंतरराष्ट्रीय बाजारातील किंमत सुमारे अडीच कोटी रुपये आहे. पोलिसांनी वाहन चालक यासीन खान याला अटक केली. कर्नाटकातून आणलेले रक्तचंदन पुढे कोणाला पोहोचवले जाणार होते, याचा पोलिसांकडून तपास सुरू आहे.
सध्या देशभर गाजत असलेल्या ‘पुष्पा’ चित्रपटातील रक्तचंदनाच्या तस्करीचा विषय गाजत असतानाच हा प्रकार उघडकीस आल्याने उलटसुलट चर्चेला उधाण आले.
रक्तचंदनाची अवैध वाहतूक करणारा टेम्पो मिरजेतील गांधी चौक पोलिसांनी पकडला असून, त्यातील सुमारे अडीच कोटी रुपयांचे रक्तचंदन जप्त करण्यात आले आहे. वाहन चालक यासीन इनायतउल्ला खान (वय ४५, रा. अद्रिकरणहळी, बेंगलोर, कर्नाटक) याला अटक करण्यात आली. ही कारवाई सोमवारी पहाटे तीनच्या सुमारास करण्यात आली. कर्नाटकातून आणलेले रक्तचंदन पुढे कोणाला पोहोचवले जाणार होते, याचा पोलिसांकडून तपास सुरू आहे. सध्या देशभर गाजत असलेल्या ‘पुष्पा’ चित्रपटातील रक्तचंदनाच्या तस्करीचा विषय गाजत असतानाच हा प्रकार उघडकीस आल्याने उलटसुलट चर्चेला उधाण आले आहे.
