किरीट सोमय्यांपाठोपाठ नील सोमय्यांचा अटकपूर्व जामीन देखील फेटाळला

169 0

मुंबई- सेव्ह विक्रांत कथित घोटाळाप्रकरणी भाजप नेते किरीट सोमय्या यांचा जामीन अर्ज फेटाळल्यानंतर आता त्यांचे पुत्र नील सोमय्यांचा देखील अटकपूर्व जामीन अर्ज मुंबई सत्र न्यायालयाने फेटाळला आहे. त्यामुळे दोघांच्याही अडचणी वाढल्या आहेत. दरम्यान, सोमय्यांचा शोध घेण्यासाठी पोलिसांची तीन पथके तैनात करण्यात आली आहेत.

शिवसेना नेते संजय राऊत यांनी किरीट सोमय्या आणि त्यांचे पुत्र नील सोमय्या यांनी आयएनएस विक्रांत निधीचा अपहार केल्याचा आरोप केला होता. सोमय्या हे सीए असल्यामुळे असा पैसा कसा पचवायचा याची त्यांनी माहिती असल्याचंही राऊत यांनी म्हटलं आहे. या प्रकरणी महाराष्ट्र सरकारनं कारवाई करावी अशी मागणी त्यांनी केली आहे. त्यावरून राज्यातील राजकारण चांगलेच तापले आहे. त्यानंतर सोमय्या पितापुत्रांच्या विरोधात एका निवृत्त जवानाने ट्रॉमबे पोलीस ठाण्यात एफआयआर दाखल केली होती.

या प्रकरणी सोमय्या पितापुत्रांनी मुंबई सत्र न्यायालयात धाव घेऊन अटकपूर्व जामिनासाठी अर्ज दाखल केला. किरीट सोमय्या यांचा अटकपूर्व जामीन फेटाळल्यानंतर ते नॉट रिचेबल झाले. आता किरीट सोमय्यांचे पुत्र नील सोमय्या यांचाही अटकपूर्व जामीन अर्ज मुंबई सत्र न्यायालयानं फेटाळला आहे. त्यामुळे सोमय्या पिता-पुत्रांच्या अडचणींमध्ये वाढ झाली असून त्यांच्यावर अटकेची टांगती तलवार आली आहे.

किरीट सोमय्या आणि त्यांचे पुत्र नील सोमय्या यांना काल पोलीस ठाण्यात हजर राहण्याचं समन्स पोलिसांनी बजावलं होतं. मात्र सोमय्या पिता-पुत्र काल चौकशीला हजर राहणार नाहीत अशी माहिती त्यांच्या वकिलांनी दिली होती.

सोमय्या यांचा पोलिसांकडून शोध

सोमय्यांचा शोध घेण्यासाठी पोलिसांची तीन पथकं तैनात करण्यात आलीय. या पथकांनी किरीट सोमय्यांचा कसून शोध सुरू केलाय. किरीट सोमय्यांचं कार्यालय, निकटवर्तीय आणि इतर ठिकाणी पथकं भेटी देत आहेत. आर्थिक गुन्हे शाखेची टीम किरीट सोमय्या यांच्या घरापर्यंत पोहचली असून तिथे काम करणाऱ्या काही कर्मचाऱ्यांची चौकशी करण्यात आली. तसंच त्यांच्या घराखाली असलेल्या त्यांच्या कार्यालयात जाऊन आर्थिक गुन्हे शाखेने काही कागदपत्रही तपासली.

मुंबई पोलिसांनी किरीट सोमय्या यांना समन्स बजावलं असून उद्या चौकशीला हजर राहण्यास सांगण्यात आलं आहे. किरीट सोमय्या यांच्या घरी कोणी नसल्याने पोलिसांनी सोमय्या यांच्या घराच्या दरवाज्यावर नोटीस चिकटवली आहे. किरीट आणि नील सोमय्या या दोघांच्या घराबाहेर नोटीस चिकटवण्यात आली असून दोघांनाही उद्या चौकशीसाठी हजर राहण्याचं समन्स बजावण्यात आलं आहे.

Share This News

Related Post

Stones Pelted

Stones Pelted : धक्कदायक! समृद्धी महामार्गावर धावत्या बसवर दगडफेक, अनेक प्रवासी जखमी

Posted by - June 18, 2023 0
वाशिम : वाशिममधून एक धक्कादायक बातमी समोर आली आहे. यामध्ये कारंजा ते शेलू बाजारदरम्यान ढाकली किनखेड परिसरात समृद्धी महामार्गावर सात…

कर्मचारी संपाबाबत तोडगा काढण्यासाठी मुख्यमंत्र्यांनी घेतली बैठक, जुनी पेन्शन योजनेच्या अभ्यासासाठी प्रशासकीय अधिकाऱ्यांची समिती नेमणार

Posted by - March 13, 2023 0
मुंबई : राज्य शासनाच्या अधिकारी कर्मचाऱ्यांना जुनी निवृत्ती वेतन योजना लागू करण्याच्या मागणीबाबत अभ्यास करण्यासाठी राज्य शासन प्रशासकीय अधिकाऱ्यांची समिती…
Suicide

‘आपलं हे शेवटचं बोलणं’, म्हणत मित्राला शेवटचा कॉल करून तरुणाने उचलले ‘हे’ धक्कादायक पाऊल

Posted by - May 30, 2023 0
छत्रपती संभाजीनगर : आजकाल तरुणांमध्ये आत्महत्यांचे (Suicide) प्रमाण खूप वाढले आहे. एखाद्या क्षुल्लक कारणावरून तरुणाई आत्महत्येसारखे पाऊल उचलत आहेत. अशीच…
crime

धक्कादायक ! लिफ्टमध्ये मान अडकून 13 वर्षीय मुलाचा दुर्दैवी मृत्यू

Posted by - May 15, 2023 0
छत्रपती संभाजीनगर : छत्रपती संभाजीनगरमध्ये (Chhatrapati Sambhajinagar) एक धक्कादायक आणि मन हेलावून टाकणारी घटना घडली आहे. यामध्ये लिफ्टचा दरवाजा अचानक…

पुणे-मिरज रेल्वेची दुसरी मार्गिकेसाठी भूसंपादन पूर्ण; रेल्वेलाईनचे कामही अंतिम टप्प्यात

Posted by - January 19, 2023 0
पुणे : जिल्हाधिकारी डॉ.राजेश देशमुख यांच्या मार्गदर्शनाखाली पुणे-मिरज रेल्वेमार्गाच्या दुसऱ्या मार्गिकेसाठी आवश्यक भूसंपादनाची १०० टक्के कार्यवाही पूर्ण करण्यात आली असून…

Leave a comment

Your email address will not be published. Required fields are marked *