मुंबई : महिला प्रीमियर लीगच्या दुसऱ्या (WPL 2024) सीझनला शुक्रवार 23 फेब्रुवारी पासून सुरुवात झाली आहे. या सीझनचा दुसरा सामना हा बंगळुरू येथे रॉयल चॅलेंजर्स बंगळुरू विरुद्ध यूपी वॉरियर्स यांच्यात खेळवण्यात आला. या सामन्यात आरसीबीने यूपी वॉरियर्सवर 2 धावांनी विजय मिळवून नव्या सिझनमध्ये विजयी सुरुवात केली. या सामन्यात आरसीबीची गोलंदाज शोभना आशा हिने आरसीबीच्या विजयात महत्वाची भूमिका बजावली.
या सामन्याच्या सुरुवातीला यूपी वॉरियर्सच्या कर्णधाराने टॉस जिंकून प्रथम गोलंदाजीचा निर्णय घेतला. आरसीबीने मेघना आणि रिचा घोषच्या अर्धशतकाच्या जोरावर 6 विकेट्स गमावून 157 धावा केल्या. यूपी वॉरियर्सच्या फलंदाज विजयाचे आव्हान पूर्ण करण्यासाठी मैदानात आल्या परंतु आरसीबीच्या भेदक गोलंदाजी समोर फार काळ टिकू शकल्या नाहीत. आरसीबीची गोलंदाज शोभना आशाने यूपीच्या तब्बल 5 विकेट्स घेतल्या. तिच्या या कामगिरीच्या जोरावर आरसीबीने यूपी वॉरियर्सवर थरारक विजय मिळवला. या कामगिरीसह शोभना महिला प्रीमियर लीगमध्ये एका सामन्यात 5 विकेट्स घेणारी पहिली भारतीय गोलंदाज ठरली आहे.
THREE wickets in an over 🤯
Triple treat from Asha Shobana and this match is heading down to the wire 💥
Match Centre 💻📱 https://t.co/kIBDr0FhM4#TATAWPL | #RCBvUPW pic.twitter.com/IQ469MGFPC
— Women's Premier League (WPL) (@wplt20) February 24, 2024
कोण आहे शोभना आशा?
शोभना आशा हिचा जन्म 1 जानेवारी 1991 रोजी झाला असून ती 32 वर्षांची आहे. शोभना ही बॉलिंग ऑलराउंडर असून तिचा जन्म हा केरळच्या त्रिवेंद्रममध्ये झाला होता. ती उजव्या हाताची फलंदाज असून लेगब्रेक गुगली गोलंदाजी ही तिची खासीयत आहे. शोभना यापूर्वी इंडिया ए वुमन, इंडियन बोर्ड प्रेसीडेंट वुमन इलेवन, केरल आणि पुडुचेरीच्या रेल्वे टीमकडून खेळली आहे. रॉयल चॅलेंजर्स बंगलोरने तिला 10 लाख रुपयांना विकत घेऊन आपल्या संघात सामील केले.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Weather Update : पुढील 3 दिवसांत राज्यात ‘या’ ठिकाणी कोसळणार पाऊस; हवामान खात्याने दिला इशारा
