भारतीय क्रिकेट नियामक मंडळाचे अर्थात बीसीसीआयचे सचिव जय शहांची आयसीसीच्या अध्यक्षपदी निवड झाली आहे.
‘बीसीसीआय’चे सचिव जय शहाआयसीसीचे अध्यक्ष बनणारे ते सर्वात तरुण भारतीय असतील. जय शहा वयाच्या 36 व्या वर्षी ही जबाबदारी स्वीकारणार आहेत.आयसीसीचे विद्यमान अध्यक्ष न्यूझीलंडचे ग्रेग बार्कले आहेत. त्यांचा कार्यकाळ 30 नोव्हेंबरला संपत आहे. बार्कले हे सलग तिसऱ्यांदा अध्यक्ष राहणार नसल्याचे त्यांनी सांगितले होते. 2020 पासून ते या पदावर होते. जय शहा 1 डिसेंबरपासून हे पद स्वीकारतील. जय शहा यांच्यापूर्वी भारतातील अनेक दिग्गजांनी आयसीसीचे अध्यक्ष पद भूषवले.जगमोहन दालमिया 1997 ते 2000 पर्यंत आयसीसीचे अध्यक्ष होते. त्यानंतर 2010 ते 2012 पर्यंत शरद पवार होते. तर एन श्रीनिवासन 2014-15 मध्ये होते. तर शशांक मनोहर 2015-2020 पर्यंत अध्यक्ष होते
जय शहांबद्दल बोलायचे झाले तर ते 2019 मध्ये प्रथमच बीसीसीआयचे सचिव झाले. त्यानंतर 2022 मध्ये त्यांनी सलग दुसऱ्यांदा हे पद भूषवले. आयसीसीच्या अध्यक्षपदी जय शाह यांची बिनविरोध निवड झाली आहे. त्यांना 15 सदस्यांनी पाठिंबा दिला होता. जर आपण आयसीसीच्या नियमांवर नजर टाकली तर अध्यक्ष निवडीसाठी 16 संचालक मतदान करतात. अशा स्थितीत 9 मते मिळणे आवश्यक मानले जात आहे. जय शहा यांना 15 सदस्यांनी पाठिंबा दिला. त्यामुळे जय शहा हे पुढचे आयसीसी चे अध्यक्ष असतील
आयसीसीच्या अध्यक्षपदी जय शहा यांची निवड; आयसीसीच्या अध्यक्षपदी विराजमान होणारे ‘5’वे भारतीय
