HISTORY OF KUNDMALA BRIDGE: इंद्रायणी नदीवरील पूल कोसळून चौघांचा मृत्यू झाला.
या दुर्घटनेनंतर संपूर्ण महाराष्ट्रातून हळहळ व्यक्त केली जात आहे.
त्याचबरोबर हा पूल इतका धोकादायक होता तर प्रशासनाने आधीच या पुलाची डागडुजी का केली नाही ?
असा प्रश्न सर्वसामान्यांकडून उपस्थित केला जात आहे.
TOP NEWS MARATHI | KUNDMALA BRIDGE: कुंडमळ्यात नव्या पुलाला परवानगी; काम सुरू का झालं नाही ?
मात्र या पुलाची डागडुजी न करता थेट नवा कोरा पूल उभारला जाणं अपेक्षित होतं.
त्यासाठी निधीही मिळाला, मंत्र्यांची सही झाली
मात्र नव्या पुलाचं बांधकाम (HISTORY OF KUNDMALA BRIDGE) नेमकं रखडलं कुठे ? या प्रश्नाचं उत्तर आता समोर आलं आहे.
मावळमध्ये असलेल्या इंद्रायणी नदीवर जवळपास 1993 मध्ये वर्षांपूर्वी साकव पद्धतीचा पूल बांधण्यात आला.
ग्रामस्थांना नदी ओलांडण्यासाठी पर्याय म्हणून हा पूल बांधण्यात आला होता.
तत्कालीन खासदार अण्णा जोशी यांच्या निधीतून सुमारे दहा लाख रुपये खर्चून पुलाचा काही भाग बांधण्यात आला होता.
तर उरलेलं काम तत्कालीन दिवंगत आमदार दिगंबर भेगडे यांच्या प्रयत्नांतून पूर्ण झालं. तेव्हाही दहा लाख खर्च आला.
सध्याच्या पुलाची लांबी ही १०० मीटर तर रुंदी तीन मीटर आहे.
शेलारवाडीच्या बाजूने सात आणि दुसऱ्या बाजूने सिमेंटचे दोन खांब असून त्यावर लोखंडी खांब टाकण्यात आले होते.
नदीच्या पलिकडे असणाऱ्या दोन खांबांमध्ये अंतर जास्त असल्याने पुलाला हादरे बसत होते.
हा पूल केवळ पादचाऱ्यांच्या वापरा करता बांधण्यात आला होता.
KUNDAMALA BRIDGE COLLAPSE: “फादर्स डे”च्या दिवशी इंद्रायणीत बाप लेक बुडाले; राज्यभरात हळहळ
मात्र हळूहळू लोकवस्ती आणि पर्यटन वाढल्याने पुलावरून एक एक दुचाकीही जाऊ लागल्या.
पुलाचा दैनंदिन वापर जास्त होऊ लागला.
अखेर 30 वर्षानंतर 2023 मध्ये हा पूल इतका जीर्ण झाला की वापरासाठी धोकादायक ठरला.
त्यामुळेच भाजपचे मावळ तालुकाध्यक्ष रविंद्र भेगडे यांनी
मावळ तालुका येथील विविध विकासकामांना पुरवणी अर्थसंकल्प जुलै 2024 अंतर्गत निधी उपलब्ध करून देण्यासाठी विनंती केली.
त्यानुसार इंद्रायणी नदीवर जोडरस्त्यासह मोठ्या पुलाच्या बांधकामासाठी आठ कोटींचा निधी आणि
प्रशासकीय मंजुरी रवींद्र चव्हाण यांनी दिली. हा प्रस्तावित पूल १७० मीटर लांब आणि ७.५ मीटर रुंदीचा असणार आहे.
KUNDMALA RESCUE OPERATION: 51पर्यटकांना सुरक्षित बाहेर काढण्यात यश
दरम्यान सार्वजनिक बांधकाम विभागाने 10 जुनला पुलाचं बांधकाम सुरू करण्याची वर्क ऑर्डर दिल्याची माहिती समोर आली आहे.
मात्र त्यानंतर अवघ्या पाचच दिवसात जुना पूल कोसळला आणि मोठी जीवित हानी झाली.
KUNDMALA BRIDGE COLLAPSE: मालकांना वाचवण्यासाठी छोटूची धडपड;पूल अपघातात विश्वासू कामगारानं घडवलं निष्ठेचं दर्शन
वर्क ऑर्डर रखडल्यामुळे या पुलाचे बांधकाम निधी मिळूनही अद्याप सुरू झालेलं नव्हतं.
मात्र नवीन पुलाचं बांधकाम सुरू व्हायच्या आधीच जुना पूल कोसळून ही मोठी दुर्घटना घडली.
आता हा पूल पडल्यानंतर तरी नवीन पुलाचं काम तात्काळ सुरू करून
ग्रामस्थांची गैरसोय होऊ नये यासाठी लवकरात लवकर नवा पूल बांधला जाणार का याकडे सगळ्यांचच लक्ष लागलंय.
