कुंभारवळणला पक्षी पर्यटन केंद्र बनवण्यासाठी प्रयत्न करणार- खासदार सुप्रिया सुळे

331 0

भिगवण- हजारो किलोमीटर अंतर कापत इंदापूर तालुक्यातील कुंभारवळण इथे आलेल्या फ्लेमिंगो पक्ष्यांचे संमेलनस्थळ पर्यटनाचे केंद्र व्हावे यासाठी आता खासदार सुप्रिया सुळे यांनी पुढाकार घ्यायचे ठरवले आहे. जिल्ह्याचे पालकमंत्री अजित पवार आणि इंदापुरचे आमदार तसेच राज्यमंत्री दत्तात्रय भरणे यांच्यासोबत चर्चा करून कुंभारवळण येथे पक्षी पर्यटन वाढवण्यासाठी आवश्यक त्या सुविधा वाढवण्यात येतील, असे आश्वासन सुळे यांनी दिले.

सुळे यांनी आज सकाळी सहकुटुंब याठिकाणी भेट देऊन पाहणी केली. त्यावेळी त्या बोलत होत्या. जिल्हा परिषद सदस्य हनुमंत बंडगर, कुंभारवळणच्या सरपंच उज्वला परदेशी, राज्य मच्छी मार संघटना कृती समितीचे उपाध्यक्ष सिताराम नगरे, विठ्ठल भोई, युवासेनेचे समन्वयक नवनाथ सुतार , महेंद्र सवाणे, राजाभाऊ शिंदे आदी याप्रसंगी उपस्थित होते.

उजनीच्या जलाशयात कुंभारवळण गावापासून जवळच हजारो किलोमीटरचा प्रवास करत सायबेरियातून फ्लेमिंगो पक्षी दरवर्षी येतात. तब्बल चार ते सहा फूट इतके उंच असणारे हे पक्षी तीनशे ते चारशेच्या संख्येने येथे येत असतात. दरवर्षी साधारण ऑक्टोबर-नोव्हेंबर मध्ये आलेले हे पक्षी एप्रिल-मे पर्यंत येथेच राहतात. या फ्लेमिंगो बरोबरच चित्रबलाक, पाणघार, आणि अन्य अनेक प्रकारचे स्थानिक रंगीबेरंगी पक्षांचे या दिवसांत येथे जणू संमेलनच भरलेले असते.

पक्ष्यांचे हे अनोखे संमेलन पाहणे हा एक अत्यंत आल्हाददायक आणि मनाला उभारी देणारा अनुभव असतो. त्यामुळे दरवर्षी महाराष्ट्र आणि देशभरातूनच नाही, तर जगभरातून पक्षीप्रेमी आणि अभ्यासक कुंभारवळणला भेट देतात. पर्यटकांची संख्या आणखी वाढावी आणि स्थानिक गावकऱ्यांना त्यातून रोजगार मिळावा यासाठी प्रयत्न करू असे आश्वासन सुप्रिया सुळे यांनी यावेळी दिले. सध्या येथे तीस ते चाळीस बोटी आहेत. त्याद्वारे पर्यटकांना पक्षीदर्शन घडवून आणले जाते. पर्यटनासाठीच्या तांत्रिक विषयांबाबत असलेल्या शासकीय स्तरावरील अडचणी दूर करण्यासाठी लवकरात लवकर उपमुख्यमंत्री अजित पवार आणि दत्तात्रय भरणे यांची भेट घेऊन यावर तोडगा काढण्यात येईल, असे सुप्रिया सुळे यांनी स्पष्ट केले.

 

Share This News

Related Post

सुभाष जगताप यांच्यावरील गुन्ह्याचा जिल्हा मातंग समाजातर्फे निषेध, जिल्हाधिकारी कार्यालयासमोर निदर्शने

Posted by - June 6, 2022 0
पुणे- पुणे महापालिकेचे माजी सभागृह नेते, माजी नगरसेवक सुभाष जगताप यांच्यावरील दाखल झालेल्या गुन्ह्याचा निषेध करण्यासाठी जिल्हा मातंग समाजातर्फे निषेध…

गोपीचंद पडळकरांनी लिहलं उपमुख्यमंत्री देवेंद्र फडणवीसांना पत्र; केली ‘ही’ मोठी मागणी

Posted by - November 13, 2022 0
मुंबई: महाराष्ट्र सरकारने काढलेल्या जीआरमूळे पोलीस भरतीचा मार्ग मोकळा झाला आहे. पण आगामी पोलीस भरतीत घातलेल्या नॉन क्रिमिलेअर सर्टीफिकेट सादर…

ॲड. गुणरत्न सदावर्ते यांना जेल की बेल ; थोड्याच वेळात निर्णय

Posted by - April 9, 2022 0
राष्ट्रवादी काँग्रेसचे अध्यक्ष शरद पवार यांच्या मुंबईतील सिल्वर ओक निवासस्थानी झालेल्या आंदोलनाच्या पार्श्वभूमीवर एसटी कर्मचाऱ्यांचे वकील गुणरत्न सदावर्ते यांना काल…

School : राज्यातील सर्व माध्यमांतील चौथी पर्यंतच्या शाळा सकाळी 9 वाजल्यापासून सुरु होणार

Posted by - February 8, 2024 0
मुंबई : पालक आणि विद्यार्थ्यांसाठी महत्त्वाची बातमी समोर आली आहे. राज्याच्या शालेय शिक्षण विभागाने मोठा निर्णय घेतला आहे. शाळांची घंटा…

Leave a comment

Your email address will not be published. Required fields are marked *