पुणे : राष्ट्रवादी काँग्रेस शरदचंद्र पवार (Sharad Pawar) पक्षाचे अध्यक्ष शरद पवार यांची अनेक ज्येष्ठ नेत्यांनी साथ सोडली. यात राज्यातील आमदार-खासदारांसह देशातील काही नेत्यांचा समावेश होता. मात्र, युवा पदाधिकारी आणि कार्यकर्त्यांना सोबत ठेवण्यात पवारांना यश आलं होतं. मात्र, आता तेही शरद पवारांची साथ सोडणार असल्याचे समजत आहे. राष्ट्रवादी काँग्रेस शरदचंद्र पवार पक्षाच्या युवकचे राष्ट्रीय अध्यक्ष धीरज शर्मा यांच्या पाठोपाठ आता युवती विंगच्या राष्ट्रीय अध्यक्षा सोनिया दुहान देखील अजित पवार गटाच्या वाटेवर असल्याचे समजत आहे.
सोनिया दुहान शरद पवारांची साथ सोडणार?
शरद पवार गटाच्या युवती विंगच्या राष्ट्रीय अध्यक्षा सोनिया दुहान अजित पवारांच्या राष्ट्रवादीत प्रवेश करण्याची शक्यता आहे. सोनिया दुहान यांनी अजित पवारांच्या राष्ट्रवादीचे नेते प्रफुल्ल पटेल यांची आज दिल्ली येथे भेट घेतली. राष्ट्रवादी काँग्रेस पक्षात उभी फूट पडल्यानंतरही सोनिया दुहान पवारांसोबत कायम होत्या. मात्र आता त्या अजित पवार गटाच्या मार्गावर असल्याचे समजत आहे.
युवकचे राष्ट्रीय अध्यक्षाचा राजीनामा
राष्ट्रवादी काँग्रेस (शरद पवार गट) युवकचे राष्ट्रीय अध्यक्ष आणि प्रवक्ते धीरज शर्मा यांनी आपल्या सर्व पदांचा राजीनामा दिला आहे. ऐन लोकसभा धामधुमीतच हा शर्मा यांचा राजीनामा शरद पवार गटासाठी मोठा धक्का मानला जात आहे. शर्मा यांनी ट्विटवर पोस्ट करुन आपल्या राजीनाम्याची माहिती दिली आहे. युवकचे राष्ट्रीय अध्यक्ष असलेल्या धीरज शर्मा यांच्यावर राष्ट्रवादी काँग्रेस पक्ष शरदचंद्र पवार गटाच्या प्रवक्ते पदाची जबाबदारी होती. धीरज शर्मा यांची लोकसभा निवडणुकीच्या काळात त्यांची स्टार प्रचारक म्हणून नियुक्ती करण्यात आली होती. त्यांनी या लोकसभा निवडणुकीत अनेक ठिकाणी प्रचार सभा घेतल्या होत्या. त्यासोबतच धीरज शर्मा यांच्यावर शरद पवार गटाने मोठी जबाबदारी टाकली होती. त्यांच्यावर भारत युवा आघाडीच्या अभिमानी राष्ट्रवादी संयोजक पदाची जबाबदारी होती. त्यांनी मोठी युवकांची मोठी फळी निर्माण केली होती. मात्र आता त्यांनी साथ सोडल्याने शरद पवारांना मोठा धक्का बसला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Mumbai News : पुणे, नागपूरनंतर आता मुंबईमध्ये हिट अँड रनची घटना; प्रकरण दाबण्याचा प्रयत्न?
Weather Update : महाराष्ट्रासाठी धोक्याची घंटा; हवामान खात्याने वर्तवला धडकी भरवणारा अंदाज
Pune News : पुण्यातील आणखी एका पबवर छापा; राज्य उत्पादन शुल्क विभागाची कारवाई
Sucess Story : स्पर्धा परीक्षेत अपयश आले मात्र तो खचला नाही… आता करतोय लाखोंची कमाई
KKR vs SRH : …तर एकही बॉल न खेळता KKR ला मिळणार आयपीएलची ट्रॉफी
KKR vs SRH : IPL Final मध्ये कसे असेल हवामान? कोणत्या संघाचे पारडे राहणार जड?
IPL Final : IPL फायनलमध्ये ‘या’ 5 खेळाडूंच्या कामगिरीवर असणार सगळ्यांचे लक्ष
Sanjay Raut : गडकरींच्या पराभवासाठी मोदी-शहा-फडणवीसांनी प्रयत्न केले; संजय राऊतांचा खळबळजनक दावा
Buldhana Accident : शिर्डीवरून परतणाऱ्या भाविकांच्या स्कॉर्पिओचा भीषण अपघात
Baby Care Center : दिल्ली हादरली ! बेबी केअर सेंटरला लागली भीषण आग; 7 नवजात बाळांचा मृत्यू
