पुणे : मेट्रो आणि उड्डाणपुलांच्या प्रकल्पांमुळे पुण्यात (Pune Traffic Diversion) पायाभूत सुविधांचा मोठा विकास होत असल्याने मोठ्या प्रमाणात वाहतूक कोंडी होताना दिसत आहे. अरुंद रस्त्यांमुळे विशेषत: अवजड वाहनांनी मोठ्या प्रमाणात रस्त्याची जागा व्यापल्याने वाहतुकीची समस्या निर्माण झाली आहे. यामुळे पुण्यातील वाहतूक पोलिसांनी शहरातील अवजड वाहनांवर तात्पुरती बंदी घालून वाहतुकीमध्ये महत्त्वपूर्ण बदल केला आहे. पुणे, पिंपरी-चिंचवड, सोलापूर, अहमदनगर, सातारा आणि मुंबई येथून विविध माल वाहून नेणाऱ्या ट्रेलर, कंटेनर, मल्टिएक्सल वाहनांसह अवजड वाहनांना 5 मार्चपासून शहरात प्रवेश बंदी करण्यात येणार आहे.
मुख्य बदल आणि पर्यायी मार्ग:
वाघोलीहून पुणे शहरात येणारा प्रवेश पुणे नगर रोडवरून 24 तासांसाठी बंद करण्यात आला आहे.
पुणे, सोलापूर आणि पुणे सासवड रोडकडून येणाऱ्या वाहनांना हडपसर नोबल हॉस्पिटल चौक ते खराडी बायपास चौकापर्यंत 24 तास बंद राहणार आहे.
पुणे सोलापूर रोडकडून येणाऱ्या वाहनांनी थेऊर फाटा येथून उजवीकडे वळण घेऊन थेऊर, लोणीकंद, शिक्रापूर मार्गे जावे.
पुणे सासवड रोडवरून येणाऱ्या वाहनांनी हडपसर येथे यू-टर्न घेऊन थेऊर फाटा येथे डावीकडे वळून थेऊर, लोणीकंद, शिक्रापूर मार्गे जावे.
विविध मार्गांवर रात्री 7 ते 11 या वेळेत अवजड वाहनांना प्रवेश बंदी
वाहतूक सुरळीत होण्यासाठी पर्यायी मार्ग तयार करण्यात आले आहेत.
पुणे सोलापूर रोडवरून सातारा, मुंबईकडे जाणारी वाहने हडपसर येथे डावीकडे वळतील आणि सासवड रोडवरून मंतरवाडी फाटा येथे उजवे वळण घेतील आणि खादी मशीन चौक ते कात्रज चौक ते सातारा किंवा नवले पूल ते मुंबई असा उजवा वळण घेतील. तसेच सासवडकडून येणाऱ्या वाहनांनी मंतरवाडी चौकातून डावीकडे वळण घेऊन वरील मार्गाचा वापर करावा.
मुंबईकडून येणारी वाहने नवले पूल ते कात्रज चौकात डावीकडे वळतील आणि साताऱ्याकडून येणारी वाहने कात्रज चौकातून खादी मशिन चौक मंतरवाडी चौकाकडे डावीकडे वळून हडपसरमार्गे सोलापूरच्या दिशेने डावीकडे वळतील आणि मंतरवाडी चौकातून सासवड (पुणे) कडे उजवीकडे वळतील.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Latur Accident : लातूर-नांदेड महामार्गावर कारचा भीषण अपघात; देवदर्शनासाठी निघालेल्या 4 जणांचा मृत्यू
Road Accident : लग्नाला निघालेल्या वऱ्हाडाच्या गाडीचा भीषण अपघात; 3 जणांचा मृत्यू
