पुणे : शिक्षणाचे माहेरघर असणाऱ्या पुण्यात (Pune Crime) दिवसेंदिवस गुन्हेगारीच्या घटनांमध्ये वाढ होताना दिसत आहे. त्यामुळे आता शहरातील गुन्हेगारी अटोक्यात आणण्यासाठी पुणे पोलिसांकडून नवा प्लॅन तयार करण्यात येणार आहे. या प्लॅनच्या माध्यमातून ते गुन्हेगारांवर गुप्त नजर ठेवणार आहेत अशी माहिती पुणे पोलीस आयुक्त अमितेश कुमार यांनी दिली आहे.
पुणे पोलिसांनी आखला ‘हा’ प्लॅन
गुन्हेगारीच्या घटना नियंत्रणात आणून गुन्हेगारांवर वचक निर्माण करण्यासाठी पुणे पोलीस दलात क्रिमिनल इंटेलिजन्स युनिटची स्थापना केली जाणार आहे. पुणे पोलीस दलातील गुन्हे शाखा आणि सायबर शाखेतील कर्मचाऱ्यांना एकत्रित करून या नव्या युनिटीची स्थापना केली जाणार आहे. या अंतर्गत पुणे पोलिसांकडून प्रत्येक गुन्हेगारांची डिजिटल कुंडली काढण्यात येणार आहे.
तसेच प्रत्येक गुन्हेगाराचं सोशल मीडिया अकाउंट पुणे पोलिसांकडून तपासण्यात येणार आहे. शहरातील गुन्हेगारी कमी करण्यासाठी पुणे पोलीस दलाकडून ही कारवाई केली जाणार असल्याची माहिती पुणे पोलीस आयुक्त अमितेश कुमार यांनी दिली आहे. दरम्यान काही दिवसांपूर्वीच पुण्यातील सर्व कुख्यात गुन्हेगारांची पुणे पोलिसांकडून परेड काढण्यात आली होती. त्यांना समज देण्यात आली होती. त्यानंतर आता पोलिसांकडून गुन्हेगारीवर नियंत्रण मिळवण्यासाठी हा नवा प्लॅन तयार केला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
ISRO Naughty Boy INSAT-3DS : इस्रो आज रचणार इतिहास! अंतराळात पाठवणार ‘नॉटी बॉय’
Pune Manchar Accident : मंचर जवळ कार-टेम्पो-कंटेनरच्या भीषण अपघात; 3 जणांचा मृत्यू
