पुणे : पुणे लोकसभेचे महाविकास आघाडीचे उमेदवार रवींद्र धंगेकर (Ravindra Dhangekar) हे आज आपला उमेदवारी अर्ज दाखल करणार आहे. त्यापूर्वी ते पुण्यातील दगडूशेठ मंदिरात जाऊन दर्शन घेणार आहेत. आपला अर्ज दाखल करण्यापूर्वी त्यांनी एक मोठे वक्तव्य केले आहे.
काय म्हणाले रवींद्र धंगेकर?
रवींद्र धंगेकर म्हणाले की, आज सगळ्यात मोठा दिवस आहे. मी लोकसभेच्या निवडणुकीच्या रिंगणात उतरलो आहे. माझ्यासारख्या साधारण कार्यकर्त्यांला कॉंग्रेसने मोठी संधी दिली आहे. त्यामुळे येणारा काळ रवींद्र धंगेकरचा असेल. मी पुणेकरांचा उमेदवार आहे. पुणेकरांसाठी मत मागत आहे आणि पुणेकरच जिंकणार आहेत.तसेच ‘मागील 30 वर्षांपासून पुण्याचं राजकारण जवळून पाहिलं आहे. नगरसेवकापासून तर लोकसभेच्या निवडणुकीप्रर्यंत कशाप्रकारे विरोधक यंत्रणेचा वापर करतात हे पाहिलं आहे. त्यामुळे वेळ आली की खुल्या मनाने कोणाला किती मतं पडणार हे सांगेन. विरोधकांचे सगळे प्रयोग माझ्या डोळ्यासमोर झाले आहे. त्याचे हे प्रयोग कसे बंद करायचे हे मला माहिती आहे’, असा हल्लाबोल रवींद्र धंगेकर यांनी केला आहे.
कसा आहे महाविकास आघाडीचा कार्यक्रम?
सकाळी 10:30 वाजता : भारतरत्न डॉ. बाबासाहेब आंबेडकर यांच्या पुणे स्टेशन येथील पुतळ्यास अभिवादन करण्यात येणार
सकाळी 11 वाजता : विभागीय आयुक्त कार्यालय येथे सुप्रियासुळे यांचा अर्ज दाखल करण्यात येणार
सकाळी 11:30 वाजता : डॉ. अमोल कोल्हे, रवींद्र धंगेकर यांचा अर्ज दाखल करण्यात येणार.
सकाळी 11:45 वाजता : हॉटेल शांताई समोर, रास्ता पेठ येथे महाविकास आघाडी तथा इंडिया फ्रंटची भव्य सभा होणार
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune Firing : पुणे हादरलं ! पहाटेच्या सुमारास सिंहगड रस्त्यावरील भूमकर चौकात गोळीबार
