पिंपरी-चिंचवड: पिंपरीमध्ये आज एका कार्यक्रमादरम्यान पालकमंत्री चंद्रकांत पाटील यांच्यावर शाईफेक करण्यात आली. महापुरुषांविषयी केलेल्या अपमानकारक वक्तव्याचा निषेध म्हणून शाई फेक करण्यात आली. यामुळे पुणे व पिंपरी चिंचवडमध्ये मोठ्या प्रमाणावर तणावाचं वातावरण होतं .
याच संदर्भातील एक मोठी बातमी समोर आली असून चंद्रकांत पाटील शाईफेकी प्रकरणी 3 पोलीस अधिकाऱ्यांसह 7 जणांचं निलंबन करण्यात आलं आहे. सुरक्षेत कसूर ठेवल्याचा ठपका ठेवत पिंपरी-चिंचवडचे पोलीस आयुक्त अंकुश शिंदे यांनी ही कारवाई केली आहे.
