मुंबई : आज शिवसेना उद्धव बाळासाहेब ठाकरे गटाचे प्रमुख उद्धव ठाकरे (Uddhav Thackeray) हे मावळच्या दौऱ्यावर आहेत. मावळ लोकसभा मतदारसंघात त्यांचा जनसंवाद दौरा असणार आहे. ते मावळ लोकसभा मतदारसंघात पनवेल, खोपोली, उरण या तीन ठिकाणी आज सभा घेणार आहेत. मात्र मावळ दौऱ्याआधीच उद्धव ठाकरे यांना मोठा धक्का बसला आहे.
‘या’ शिलेदारांनी सोडली साथ ?
मावळमध्ये ठाकरे गटाला खिंडार पडलं आहे, मुख्यमंत्री एकनाथ शिंदे यांच्या उपस्थितीत हा पक्ष प्रवेश झाला. ठाकरे गटाचे नवघरचे पंचायत समिती सदस्य दीपक ठाकूर, उरण पंचायत समितीचे माजी सभापती चंद्रकांत पाटील, उलवे नोडचे शहरप्रमुख प्रथम पाटील, शाखाप्रमुख विजय भिसे आणि युवासेनेचे नेते क्षितीज शिंगरे यांनी ठाकरे गटातून शिवसेनेत प्रवेश केला आहे.
https://youtu.be/KgIdTknYIos
कसा आहे उद्धव ठाकरेंचा मावळ दौरा ?
उद्धव ठाकरे यांचा मावळ लोकसभा मतदारसंघात जनसंवाद दौरा आहे. मावळ लोकसभा मतदारसंघात ते पनवेल, खोपोली, उरण या तीन ठिकाणी सभा घेणार आहेत. दुपारी तीन वाजता हिंदुहृदयसम्राट बाळासाहेब ठाकरे लॉ कॉलेजचं उद्घाटन देखील उद्धव ठाकरे यांच्या हस्ते होणार आहे. त्यानंतर ते दुपारी चार वाजता पनवेल येथे जनसंवाद सभा घेणार आहेत, त्यानंतर साडेपाच वाजता खोपोलीमध्ये सभा होणार आहे, आणि त्यानंतर संध्याकाळी साडेसात वाजता उरणच्या नवीन सेवा मैदानात उद्धव ठाकरे यांची सभा होणार आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
IPL 2024 : ‘सनरायझर्स’च्या कर्णधारपदी ‘या’ खेळाडूची वर्णी
Rinku Rajguru : सैराट फेम रिंकू राजगुरुला धक्काबुक्की; Video आला समोर
Pune Traffic Diversion : वाहतूक कोंडी सोडवण्यासाठी उद्यापासून पुण्यात अवजड वाहनांना बंदी
Latur Accident : लातूर-नांदेड महामार्गावर कारचा भीषण अपघात; देवदर्शनासाठी निघालेल्या 4 जणांचा मृत्यू
Road Accident : लग्नाला निघालेल्या वऱ्हाडाच्या गाडीचा भीषण अपघात; 3 जणांचा मृत्यू
