नांदेड: महाराष्ट्राचे माजी मुख्यमंत्री आणि भाजपचे राज्यसभा खासदार अशोक चव्हाण यांना मोठा धक्का बसला असून अशोक चव्हाण यांचे दाजी माजी खासदार भास्करराव पाटील खतगावकर यांनीच अशोक चव्हाण यांची साथ सोडली आहे.
भास्करराव पाटील खतगावकर आणि त्यांच्या स्नुषा मीनल पाटील खतगावकर काँग्रेसमध्ये प्रवेश करणार आहेत.
नांदेड मधील बिलोली तालुक्यातील शंकरनगर येथे कार्यकर्त्या संवाद बैठकीचे आयोजन करण्यात आले होते.
भास्करराव खतगावकर म्हणाले की, “नांदेडचे खासदार वसंत चव्हाण यांचे निधन झाल्यानंतर आपल्याला भाजपकडून प्रस्ताव आला होता. मीनल खतगावकर यांनी नांदेड लोकसभेची पोटनिवडणूक लढवावं असा भाजपाचा प्रस्ताव होता. पण मी हात जोडून नकार दिला. नांदेड लोकसभा पोटनिवडणुकीत काँगेसकडून दिवंगत खासदार वसंत चव्हाण यांचे चिरंजीव रवींद्र चव्हाण यांना उमेदवारी देण्याचा ठराव पारीत केला.
