राज्यात विधानसभा निवडणुकीचे पडघम वाजण्यास सुरुवात झाली असून महाराष्ट्रात राजकीय पक्षांकडून निवडणूक लढण्यासाठी जेवढे इच्छुक असतात तेवढेच अपक्ष निवडणूक लढण्यासाठीही इच्छुक असल्याचा पाहायला मिळालं महाराष्ट्राच्या विधानसभेत 1962 ते 2019 पर्यंत नेमके किती अपक्ष आमदार झाले पाहूयात ‘TOP NEWS मराठी’चा स्पेशल रिपोर्ट…
आपल्यापैकी अनेकांनी नामदार मुख्यमंत्री गणपतराव गावडे हा चित्रपट पाहिला असेल या चित्रपटातून अपक्ष आमदाराची ताकद दाखवण्यात आली आहे. या चित्रपटात दाखवल्याप्रमाणे महाराष्ट्राच्या विधानसभेतही अपक्ष आमदारांचा मोठा बोलबाला पहायला मिळतो. 1962 पासून ते 2019 च्या निवडणुकीपर्यंत तब्बल 16,549 अपक्षांनी निवडणूक लढवली तर यापैकी 245 जणांना निवडणुकीत यश आलाय यामध्ये तीन महिलांचाही समावेश आहे..
कोणत्या निवडणुकीत किती अपक्ष आमदार ?
-
1960 मध्ये महाराष्ट्र राज्याची स्थापना झाल्यानंतर 1962 मध्ये झालेल्या पहिल्या विधानसभा निवडणुकीत 437 उमेदवार रिंगणात होते यापैकी 15 अपक्ष उमेदवारांना निवडणुकीत यश मिळालं
-
1967 मध्ये 270 जागांसाठी झालेल्या विधानसभा निवडणुकीत 463 उमेदवारांनी निवडणूक लढवली यापैकी 16 उमेदवारांना निवडणुकीत यश आलं 1962 च्या तुलनेत अपक्ष आमदारांची संख्या एक न वाढली होती
-
1972 मध्ये झालेल्या विधानसभा निवडणुकीत 343 अपक्ष उमेदवारांनी निवडणूक लढवली यापैकी 23 उमेदवारांना निवडणुकीत यश आलं.
-
1978 मध्ये 288 जागांसाठी झालेल्या विधानसभा निवडणुकीत 894 उमेदवारांनी निवडणूक लढवली यापैकी 28 जणांना यश आलं.
-
1980 मध्ये झालेल्या मध्यावर्ती निवडणुकीमध्ये 612 अपक्ष उमेदवारांनी यापैकी दहा जणांना निवडणुकीत यश आलं
-
1985 मध्ये झालेल्या विधानसभा निवडणुकीत 1506 अपक्ष उमेदवारांनी निवडणूक लढवली यापैकी 20 जणांना निवडणुकीत यश आलं. याच निवडणुकीमध्ये दत्ता सामंत यांच्या पत्नी विनिता सामंत या वरळीतून विजयी झाल्या आणि महाराष्ट्राच्या विधानसभेमध्ये जाणाऱ्या त्या पहिल्या अपक्ष आमदार ठरल्या.
-
1990 मध्ये झालेल्या विधानसभा निवडणुकीत 2286 अपक्ष उमेदवारांनी निवडणूक लढवली तर 13 जणांना निवडणुकीत यश मिळालं
-
1995 मध्ये झालेल्या विधानसभा निवडणुकीत 3196 अपक्ष उमेदवारांनी निवडणूक लढवली तर निवडणुकीत 45 अपक्ष आमदार विजयी झाले होते. महाराष्ट्राच्या विधानसभेत अपक्ष म्हणून निवडून येणाऱ्या आमदारांचा हा सर्वाधिक आकडा होता
-
1999 मध्ये झालेल्या विधानसभा निवडणुकीत 837 अपक्ष उमेदवारांनी निवडणूक लढवली यापैकी 12 जणांना निवडणुकीत यश आलं
-
2004 च्या विधानसभा निवडणुकीत 1083 अपक्ष उमेदवारांनी निवडणूक लढवली तर यापैकी 19 जणांना यश मिळालं
-
2009 च्या विधानसभा निवडणुकीत 1820 अपक्ष उमेदवारांनी निवडणूक लढवली यापैकी 24 जणांना यश मिळालं
-
2014 च्या विधानसभा निवडणुकीमध्ये 1699 अपक्ष उमेदवारांनी निवडणूक लढवली तर सात जणांना यश मिळालं 2009 च्या विधानसभा निवडणुकीच्या तुलनेत अपक्ष आमदारांची संख्या 17 नं घटली होती
-
2019 मध्ये झालेल्या विधानसभा निवडणुकीत 1400 अपक्ष उमेदवार रिंगणात उतरले होते. यापैकी 13 जणांना निवडणुकीत यश मिळालं. 2014 च्या विधानसभा निवडणुकीच्या तुलनेत अपक्ष आमदारांची संख्या सहा ने वाढली होती तरी या निवडणुकीत दोन अपक्ष महिला आमदार विजयी झाल्या होत्या यामध्ये साक्री मतदारसंघातून मंजुळा गावित तर मीरा-भाईंदर मतदार संघातून गीता जैन यांचा समावेश होता
1962 पासून 2019 पर्यंत 33570 उमेदवारांनी निवडणूक लढवली तर यापैकी 16549 इतकी अपक्ष उमेदवारांची संख्या होती
