आगामी विधानसभा निवडणुकीचे पडघम वाजण्यास सुरुवात झाली असून नागपूर दक्षिण-पश्चिम मतदारसंघात देवेंद्र फडणवीस विरुद्ध अनिल देशमुख अशी लढत होण्याच्या चर्चांना उधान आलं असून यामुळे विद्यमान गृहमंत्री विरुद्ध माजी गृहमंत्री अशी लढत कोणाची शक्यता आहे.
मतदार संघ पुनर्रचनेमध्ये 2009 मध्ये नागपूर दक्षिण-पश्चिम मतदार संघ अस्तित्वात आला 2009 पासून 2019 पर्यंत सलग तीन वेळा देवेंद्र फडणवीस हे या विधानसभा मतदारसंघाचे प्रतिनिधित्व करत आहेत. 2024 च्या विधानसभा निवडणुकीमध्ये देवेंद्र फडणवीस यांना घेण्यासाठी महाविकास आघाडी माजी गृहमंत्री अनिल देशमुख यांना नागपूर दक्षिण-पश्चिम मतदारसंघातून उमेदवारी देणार असल्याच्या चर्चांना उधान असून अनिल देशमुख यांच्या पारंपारिक काटोल विधानसभा मतदारसंघातून त्यांचे पुत्र सलील देशमुख यांना उमेदवारी दिली जाण्याचे शक्यता व्यक्त केले जात आहे. 2009 पासून देवेंद्र फडणवीस हे या मतदारसंघाचे आमदार असून 2014 च्या तुलनेत देवेंद्र फडणवीस यांचा मताधिक्य 2019 च्या निवडणुकीत घटल्याचं पाहायला मिळालं होतं
2009, 2014 आणि 2019 या तीन निवडणुकांमध्ये देवेंद्र फडणवीस यांचा मताधिक्य कसं होतं?
मतदार संघ पुनर्रचनेमध्ये नव्याने निर्मिती झालेल्या नागपूर दक्षिण पश्चिम मतदार संघाच्या पहिल्याच म्हणजे 2009 च्या निवडणुकीमध्ये देवेंद्र फडणवीस यांना 27 हजार 775 इतकं मताधिक्य होतं..
2014 च्या विधानसभा निवडणुकीमध्ये 58,942 इतका मताधिक्य देवेंद्र फडणवीस यांना मिळालं
2019 च्या झालेल्या विधानसभा निवडणुकीमध्ये 49,344 इतकं मताधिक्य मिळालं होतं म्हणजेच 2014 च्या तुलनेत देवेंद्र फडणवीस यांचा मताधिक्य 9,598 मतांनी घटलं होतं..
देवेंद्र फडणवीस यांची कोंडी करण्यासाठी मविआ अनिल देशमुख यांना उमेदवारी देण्याच्या तयारीत असून आता महाविकास आघाडीकडून नागपूर दक्षिण पश्चिम मतदार संघातून अनिल देशमुख यांना उमेदवारी मिळते का हे पाहणं महत्त्वाचं असणार आहे..
