ऐन निवडणुकीच्या तोंडावर गुजरातमध्ये काँग्रेसला मोठा धक्का, हार्दिक पटेलचा राजीनामा
अहमदाबाद- गुजरातमध्ये काँग्रेसला मोठा धक्का बसला आहे. काँग्रेस नेते हार्दिक पटेल यांनी काँग्रेस पक्षाचा राजीनामा दिला आहे. पक्षाच्या हंगामी अध्यक्षा सोनिया गांधी यांना राजीनामा पत्र पाठवले आहे. हार्दिक पटेल यांनी आपल्या पत्रात काँग्रेसचा राजीनामा देण्याची सर्व कारणे नमूद केली आहेत. हार्दिक पटेल यांनी राजीनाम्याचे पत्र आपल्या ट्विटर हँडलवर शेअर केले आहे.
गुजरातसाठी सकारात्मक काम करू शकेन – हार्दिक
राजीनामा पत्र ट्विटरवर शेअर करत हार्दिक पटेल यांनी लिहिले- ‘आज मी धैर्याने काँग्रेस पक्षाच्या पदाचा आणि पक्षाच्या प्राथमिक सदस्यत्वाचा राजीनामा देत आहे. मला खात्री आहे की माझ्या निर्णयाचे माझे सर्व सहकारी आणि गुजरातचे लोक स्वागत करतील. मला विश्वास आहे की माझ्या या पाऊलानंतर मी भविष्यात गुजरातसाठी खरोखर सकारात्मक काम करू शकेन.
आज मैं हिम्मत करके कांग्रेस पार्टी के पद और पार्टी की प्राथमिक सदस्यता से इस्तीफा देता हूँ। मुझे विश्वास है कि मेरे इस निर्णय का स्वागत मेरा हर साथी और गुजरात की जनता करेगी। मैं मानता हूं कि मेरे इस कदम के बाद मैं भविष्य में गुजरात के लिए सच में सकारात्मक रूप से कार्य कर पाऊँगा। pic.twitter.com/MG32gjrMiY
— Hardik Patel (@HardikPatel_) May 18, 2022
हार्दिक पटेल पक्ष नेतृत्वावर नाराज होते
विशेष म्हणजे काँग्रेस पक्षाने हार्दिक पटेल यांच्यावर विश्वास व्यक्त करत त्यांना गुजरात काँग्रेसचे कार्याध्यक्ष बनवले होते. मात्र गेल्या काही दिवसांपासून ते पक्षनेतृत्वावर नाराज होते. हार्दिक पटेल यांनी अनेकदा उघडपणे आपली नाराजी व्यक्त केली होती. आपल्या राजीनामा पत्रात हार्दिकने काँग्रेसवर गुजरात विरोधी विचार असल्याचा आरोप केला आणि दावा केला की काँग्रेस केवळ निषेधाचे राजकारण करत आहे आणि स्वतःला पर्याय म्हणून सादर करण्यात अपयशी ठरले आहे.