महाराष्ट्राचे माजी राज्यपाल के. शंकरनारायण यांचं निधन
महाराष्ट्राचे माजी राज्यपाल के. शंकरनारायण यांचं रविवारी रात्री निधन झाले. ते ९० वर्षांचे होते. केरळ येथील पालघाटमध्ये त्यांनी अखेरचा श्वास घेतला.
२०१० ते २०१४ या काळात के. शंकरनारायण महाराष्ट्राचे राज्यपाल म्हणून कार्यरत होते.
महाराष्ट्राचे माजी राज्यपाल कटीकल शंकरनारायणन यांच्या निधनाचे वृत्त समजून दुःख झाले. शंकरनारायणन हे लोकप्रीय नेते होते. केरळ विधानसभेचे दीर्घ काळ सदस्य राहिलेले शंकरनारायणन हे उत्तम प्रशासक होते. pic.twitter.com/cQv8O5LXDI
— Governor of Maharashtra (@maha_governor) April 24, 2022
के. शंकरनारायण हे कॉंग्रेसचे जेष्ठ नेते होते. केरळ विधानसभेचे ते ४ वेळा सदस्य होते. केरळ सरकारमध्ये ते अर्थ, कृषी, उत्पादन शुल्क अशा विविध खात्यांचे मंत्री होते. महाराष्ट्राशिवाय नागालँड, झारखंड, अरुणाचल प्रदेश, आसाम आणि गोवा या राज्यांचेही ते राज्यपाल होते. त्यांच्या निधनाबद्दल राज्यपाल भगतसिंह कोश्यारी यांनी तीव्र दुःख व्यक्त केले आहे.
दिवंगत शंकरनारायणन यांना आपली भावपूर्ण श्रद्धांजली अर्पण करतो व आपल्या शोकसंवेदना त्यांची कन्या तसेच इतर आप्तेष्टांना कळवतो.
— Governor of Maharashtra (@maha_governor) April 24, 2022