काँग्रेस नेते माजी मंत्री हुसेन दलवाई यांचं निधन
कॉंग्रेसचे जेष्ठ नेते माजी मंत्री हुसेन दलवाई यांचे निधन झाले आहे. दलवाई हे रत्नागिरी जिल्ह्यातील खेड मतदार संघातून चार वेळा विधानसभेवर निवडून आले होते.
तत्कालीन मुख्यमंत्री वसंतदादा पाटील यांच्या मंत्रिमंडळात त्यांनी कायदा, राजशिष्टाचार, बंदरे मंत्री म्हणून यशस्वी पणे जबाबदारी संभाळली होती. दलवाई यांना स्व. यशवंतराव चव्हाण व वसंतदादा पाटील यांचे अत्यंत विश्वासू सहकारी म्हणून ओळखले जात होते.
काँग्रेसचे ज्येष्ठ नेते हुसैन दलवाई यांच्या निधनाचे दुःखद वृत्त समजले.
काँग्रेस पक्षाच्या वाढीसाठी आणि समाजातील शेवटच्या घटकापर्यंत काँग्रेस पोहचविण्यासाठी त्यांनी आपले संपूर्ण जीवन समर्पित केले.
त्यांच्या जाण्याने काँग्रेस पक्षाची मोठी हानी झाली आहे.
भावपूर्ण श्रद्धांजली ! pic.twitter.com/UDauqIHqju
— Nana Patole (@NANA_PATOLE) May 16, 2022
17 ऑगस्ट 1922 ला त्यांचा चिपळूण मध्ये जन्म झाला. कोकणातील सुरुवातीच्या काळातील मोजक्या वकिलांमध्ये त्यांचा समावेश होता. कॉंग्रेस पक्षाकडून विधानसभेत आमदार, राज्यसभेत व लोकसभेत खासदार व राज्यात मंत्री अशी त्यांची राजकीय दिमाखदार कामगिरी राहिली आहे.
ज्येष्ठ काँग्रेस नेते, माजी कायदा मंत्री आणि रत्नागिरीचे माजी खासदार हुसेन दलवाई यांच्या दुःखद निधनाने काँग्रेस पक्षाने निष्ठावंत नेता गमावला आहे. तीन वर्षांपूर्वी मला बोलावून घेऊन गप्पा मारल्या. मार्गदर्शन केले. माझ्याबद्दल कौतुकही फार होते.आता केवळ आठवणी!
भावपूर्ण श्रद्धांजली🙏 https://t.co/7DeXhkli6L— Sachin Sawant सचिन सावंत (@sachin_inc) May 16, 2022
रत्नागिरीच्या खेड तालुक्यातून त्यांनी निवडणूक लढवली आणि ते आमदारही झाले. यात कार्यकाळात त्यांनी न्यायमंत्री म्हणून काम पाहिले. हुसेन दलवाई यांनी राज्यासोबतच केंद्रातही आपला दबदबा निर्माण केला होता. राज्यसभेवर दोन वेळा खासदार म्हणून निवडणून आले होते. लोटे येथे औद्यागिक वसाहत निर्माण करण्यात महत्त्वाचा वाटा त्यांचा होता.