मुंबई- महाराष्ट्र नवनिर्माण सेनेचे अध्यक्ष राज ठाकरे यांनी अयोध्या दौरा तूर्तास स्थगित केला. आपल्या अयोध्या दौऱ्याला विरोध करण्यासाठी महाराष्ट्रातून रसद पुरवण्यात आली असा आरोप राज ठाकरे यांनी पुण्यातील सभेत केला. राज ठाकरे यांचा अयोध्या दौरा रद्द करण्याची वेळ आल्यामुळे पक्षातील नेत्यांनी आक्रमक भूमिका घेतली आहे. आता मनसेचे सरचिटणीस सचिन मोरे यांनी एक फोटो शेअर केला आहे. या फोटोत राज ठाकरेंच्या दौऱ्याला विरोध करणारे भाजप खासदार बृजभूषण सिंह आणि शरद पवार, सुप्रिया सुळे एकत्र मंचावर दिसून येत आहेत.
भाजप नेते बृजभूषण सिंह यांनी राज ठाकरे यांच्या अयोध्या दौऱ्याला तीव्र विरोध केला होता. जोपर्यंत उत्तरभारतीयांची राज ठाकरे माफी मागत नाहीत तोपर्यंत अयोध्येत येऊ देणार नाही अशी भूमिका बृजभूषण यांनी घेतली होती. याच बृजभूषण सिंह यांचे जुने फोटो मनसेकडून शेअर करण्यात आले आहेत. या फोटोजमध्ये बृजभूषण सिंह हे राष्ट्रवादी काँग्रेसचे अध्यक्ष शरद पवार, खासदार सुप्रिया सुळे यांच्यासोबत स्टेजवर एका कार्यक्रमात आहेत.
या फोटो खाली सचिन मोरे म्हणतात की, “कुछ फोटो अच्छे भी होते है.. और सच्चे भी होते है…” त्यानंतर मनसेचे गजानन काळे यांनी हेच फोटो शेअर करून
कुछ फोटो अच्छे भी होते है.. और सच्चे भी होते है…@RajThackeray @BalaNandgaonkar @abpmajhatv @lokmat @mataonline @zee24taasnews @SandeepDadarMNS @ABPNews pic.twitter.com/Esic3lcn2Y
— Sachin Maruti More (@mnsmoresachin) May 23, 2022
“ब्रिज” चे निर्माते … सुज्ञास अधिक सांगणे न लगे …(फोटो झोऊम करून पाहावा ) असे कॅप्शन दिले आहे.
"ब्रिज" चे निर्माते … सुज्ञास अधिक सांगणे न लगे …
( फोटो झूम करून पाहावा…) pic.twitter.com/oYQZnMbM7Y
— Gajanan Kale (@MeGajananKale) May 24, 2022
मनसे नेते संदीप देशपांडे यांनी देखील त्याच कार्यक्रमातील एक फोटो शेअर करून म्हटले आहे की, ‘तेल लावलेले पैलवान आणि गुडघ्यात अक्कल असलेले पैलवान यांची राजसाहेबांन विरोधात झालेली युती स्पष्ट दिसत आहे’. एकूणच या फोटोवरून राजकीय वर्तुळात उलटसुलट चर्चांना उधाण आले आहे.
तेल लावलेले पैलवान आणि गुडघ्यात अक्कल असलेले पैलवान यांची राजसाहेबांन विरोधात झालेली युती स्पष्ट दिसत आहे pic.twitter.com/de7zkUQigy
— Sandeep Deshpande (@SandeepDadarMNS) May 24, 2022
बृजभूषण सिंह हे गेल्या अनेक वर्षांपासून भारतीय कुस्ती महासंघांचे राष्ट्रीय अध्यक्ष आहेत, तर शरद पवार हे राज्य कुस्तीगीर संघटनेचे अध्यक्ष आहेत. मनसे नेत्याने शेअर केलेले फोटो एका कुस्ती स्पर्धेतीलच असल्याचं दिसत आहे. सन्मान लाल मातीचा, बहुमान मावळवासियांचा, असं या फोटोतील बॅनरवर लिहिलेलं दिसत आहे.
