मुंबई राज्यात विधानसभा निवडणुकांचे पडघम वाजण्यास सुरुवात झाले असून महायुती आणि महाविकास आघाडीमध्ये जागावाटपावर जोरदार चर्चा होताना पाहायला मिळत आहे.
गणेशोत्सव संपताच लगेचच म्हणजे 18 19 आणि 20 सप्टेंबर रोजी महाविकास आघाडीच्या मॅरेथॉन बैठका जागावाटपाच्या अनुषंगानं पार पडल्या होत्या त्यानंतर आज बारामतीत झालेल्या पत्रकार परिषदेमध्ये राष्ट्रवादी काँग्रेस पार्टी शरदचंद्र पवार पक्षाचे प्रमुख आणि देशाचे माजी कृषी आणि संरक्षण मंत्री शरद पवार यांनी महाविकास आघाडीमध्ये जागा वाटपाचे अधिकार कोणत्या नेत्यांकडे देण्यात आले आहेत यांची नावच वाचून दाखवली.
कोणत्या नेत्यांकडे जागावाटपाची जबाबदारी?
राष्ट्रवादी काँग्रेस पार्टी शरदचंद्र पवार पक्षाकडून जयंत पाटील शिवसेना उद्धव बाळासाहेब ठाकरे पक्षाकडून खासदार संजय राऊत तर काँग्रेस कडून प्रदेशाध्यक्ष नाना पटोले यांच्याकडे जागावाटपाची जबाबदारी देण्यात आली आहे. पितृपक्ष संपल्यानंतर म्हणजे नवरात्र मध्ये महाविकास आघाडीची पहिली यादी जाहीर होण्याची शक्यता आहे.
