गंगूबाई काठियावाडी चित्रपटाचा बॉक्स ऑफिसवर धुमाकूळ ; पहिल्याच दिवशी तब्बल ‘इतक्या’ कोटींची कमाई

381 0

अभिनेत्री आलिया भट्टची मुख्य भूमिका असलेला गंगूबाई काठियावाडी हा चित्रपट प्रदर्शित झाला आहे.संजय लीला भन्साळी यांच्या दिग्दर्शनाखाली बनलेल्या या चित्रपटाकडून चाहत्यांना मोठ्या आशा आहेत.

कोरोना महामारीनंतर हा सर्वात मोठा बॉलिवूड चित्रपट आहे जो पडद्यावर आला आहे. अशा परिस्थितीत बॉक्स ऑफिसवरही या चित्रपटातून चांगलीच कमाई होत आहे. सध्या या चित्रपटाचे खूप कौतुक होत असून त्याला चांगला प्रतिसादही मिळत आहे. अशा परिस्थितीत चित्रपटातील मुख्य कलाकार आलिया आणि अजय देवगण महत्त्वाच्या भूमिका साकारताना दिसत आहेत.

शुक्रवारी चित्रपटगृहात प्रदर्शित झालेल्या गंगूबाई काठियावाडीचे पहिल्या दिवशीचे बॉक्स ऑफिस कलेक्शन आले आहे. बॉक्स ऑफिस इंडियाच्या रिपोर्टनुसार, आलिया भट्टच्या चित्रपटाचे पहिल्या दिवसाचे कलेक्शन सुमारे 9.50-10 कोटी इतके आहे. अशा स्थितीत ही चांगली सुरुवात मानली जात असून येत्या काही दिवसांत हा चित्रपट आणखी कमाई करेल, अशी अपेक्षा आहे.

गंगूबाई काठियावाडीबद्दल सांगायचे तर, हे हुसेन जैदी यांच्या मुंबईच्या माफिया क्वीन या पुस्तकावर आधारित आहे. आलिया आणि अजयसोबतच विजय राज, सीमा पाहवा आणि शंतनू महेश्वरी या चित्रपटात महत्त्वाच्या भूमिकेत दिसत आहेत.

Share This News

Leave a comment

Your email address will not be published. Required fields are marked *

error: Content is protected !!