दापोली- हर्णै समुद्र किनाऱ्यावर गाडी उभी करण्याच्या वादावरून पिंपरी चिंचवड मधील दोन तरुणावर कोयत्याने वार केल्याची घटना घडली आहे. सुदैवाने या हल्ल्यातून दोन्ही तरुण थोडक्यात बचावले. ही धक्कादायक घटना रविवारी सायंकाळच्या सुमारास घडली आहे.
याप्रकरणी संशयित हॉटेल सुरलीच्या भारत मुळ्ये व अन्य तीन जणांवर गुन्हा दाखल करण्यात आला आहे. शुभम परदेशी (वय २९), सूरज काळे (वय २५) अशी हल्ला झालेल्या जखमी तरुणांची नाव आहे. हे दोन्ही तरुण पिंपरी चिंचवड येथील राहणारे आहेत.
पोलिसांनी दिलेल्या माहितीनुसार, दापोली जवळील हर्णै समुद्र किनाऱ्याच्या रस्त्यावर ही घटना रविवारी सायंकाळी घडली. पिंपरी चिंचवड येथील पाच पर्यटक हर्णै समुद्र किनाऱ्यावरील समुद्र संकेत या हॉटेलमध्ये थांबले होते. आज ते पुण्याकडे जायला निघाले असताना सुराली गार्डन जवळ एक ईनोव्हा गाडी रस्त्यावर लावण्यात आल्याने गाडी बाजूला करण्यास सांगितले. याचा राग राग मनात धरून पाठलाग करत टोळक्याने या दोघांवर कोयत्याने हल्ला चढवला. त्यांच्या हातावर कोयत्याने वार करण्यात आला. या हल्ल्यात दोघे जखमी झाले. तसेच त्यांच्या इनोव्हा गाडीची काचही फोडण्यात आली. दापोली पोलीस तपास करत आहेत.
