पुणे- महाराष्ट्र राज्य स्थापनेचा 62 व्या वर्धापन दिन समारंभानिमित्त रविवारी 1 मे रोजी सकाळी 8 वाजता पोलीस संचलन मैदान, शिवाजीनगर येथे उपमुख्यमंत्री अजित पवार यांच्या हस्ते ध्वजारोहणाचा मुख्य समारंभ होणार आहे.
राष्ट्रध्वजास मानवंदना व पोलीस दल, गृहरक्षक दल, नागरी संरक्षण दल आदींच्या संयुक्त संचलनाचा शासकीय समारंभ होणार असून उपमुख्यमंत्री पवार या प्रसंगी मानवंदना स्वीकारतील.
पुणे शहरातील सर्व केंद्र तसेच राज्य शासनाचे विभाग प्रमुख, प्रादेशिक प्रमुख, कार्यालयीन प्रमुख व पुणे शहरातील विविध क्षेत्रातील सन्माननीय व्यक्तींनी समारंभास सकाळी 7.45 वाजता उपस्थित रहावे, असे आवाहन निवासी उपजिल्हाधिकारी हिम्मत खराडे यांनी केले आहे.
