शिवसेनेचे उपनेते यांच्या घरावर आयकर विभागाची धाड, काय आहे प्रकरण ?

391 0

मुंबई- शिवसेनेचे उपनेते आणि महापालिकेतील स्थायी समिती अध्यक्ष यशवंत जाधव यांच्या घरी आयकर विभागाने धाड टाकली आहे. भाजप नेते किरीट सोमय्या यांच्या आरोपानंतर जाधव यांच्या घरावर छापे मारण्यात आले असल्याचे बोलले जात आहे.

यशवंत जाधव यांच्यावर 15 कोटींचा घोटाळा केल्याचा आरोप ठेवण्यात आला आहे. तसेच ती रक्कम युएईला ठेवली असल्याची चर्चा आहे. त्यामुळेच ही धाड मारण्यात आली आहे. त्यामुळे शिवसेनेत एकच खळबळ उडाली आहे. यशवंत जाधव हे शिवसेनेचे उपनेते आहेत. शिवसैनिक म्हणून त्यांनी शिवसेनेत कामास सुरुवात केली. पुढे शाखाप्रमुख ते स्थायी समिती अध्यक्षपदापर्यंत त्यांनी मजल मारली. 1997मध्ये ते पहिल्यांदा महापालिकेत नगरसेवक म्हणून निवडून आले होते. मधला काही काळ वगळता ते सातत्याने नगरसेवक म्हणून निवडून आले आहेत. जाधव यांनी महापालिकेत अनेक महत्त्वाच्या समित्यांवर काम केलं आहे. त्यांची पत्नी यामिनी जाधवही नगरसेविका होत्या. सध्या त्या शिवसेनेच्या आमदार आहेत.

यशवंत जाधव आणि त्यांच्या पत्नी यामिनी जाधव यांनी कोलकाता येथील शेल कंपन्यांमध्ये आर्थिक व्यवहार केल्याचं आयकर विभागाच्या याआधीच्या तपासात उघड झाल्याची माहिती मिळत आहे. यापूर्वी आयकर विभागानं केलेल्या तपासात कोलकाता येथील शेल कंपन्यांद्वारे झालेल्या आर्थिक व्यवहारांमध्ये शिवसेना आमदार यामिनी जाधव आणि त्यांचे पती यशवंत जाधव, तसेच त्यांच्या कुटुंबीयांनी पैसे कमावल्याचा दावा करण्यात आला होता.

यामिनी जाधव यांनी प्रधान डीलर्स नावाच्या कंपनीकडून 1 कोटी रुपयांचे कर्ज घेतलं होतं, असे जाधव यांनी आपल्या प्रतिज्ञापत्रात लिहिलं होतं. मात्र तपासात प्रधान डीलर्स ही एक शेल कंपनी असल्याचं स्पष्ट झालं होतं. यामिनी जाधव 1 कोटी रुपयांचं कर्ज घेतल्याचं सांगत असल्या तरी हा पैसा त्यांचा स्वत:चाच होता, असं आयकर विभागाचं म्हणणं आहे. महावर यांनी सन 2011-12 मध्ये प्रधान डीलर्स कंपनीची स्थापना केल्याचं महावर यांनी चौकशीत सांगितलं होतं. यात पैसा कमावल्यानंतर कंपनी जाधव कुटुंबाला विकण्यात आली होती.

2019 च्या निवडणुकीत यामिनी जाधव यांनी दाखल केलेल्या प्रतिज्ञापत्रात आपल्याडकडे 7.5 कोटी रुपयांची संपत्ती असल्याचं म्हटलं आहे. यात 2.74 कोटींची जंगम मालमत्ता होती. तर आपले पती यशवंत जाधव यांच्याकडे 4.59 कोटी रुपयांची संपत्ती असल्याचं नमूद केलं होतं. यात 1.72 कोटी रुपयांच्या जंगम मालमत्तेचा समावेश आहे.

दरम्यान, जानेवारी महिन्यात भाजप नेते किरीट सोमय्या यांनी यशवंत जाधव यांनी कोट्यवधी रुपयांचा घोटाळा केल्याचा आरोप केला होता. मुंबईतील कोविड सेंटर उभारणीत मोठा घोटाळा केल्याचा आरोप केला होता. तसेच यामध्ये मनी लॉन्ड्रिंग केल्याचा गंभीर आरोपही सोमय्यांनी जाधवांवर केला होता. एवढंच नाहीतर आयकर विभागाच्या हाती पुरावे लागले आहेत. जाधव यांचं पितळ उघडं करण्यासाठी आयकर विभागाला पाठपुराव्यास मदत करणार असल्याचंही किरीट सोमय्या म्हणाले होते. त्यानंतर दोन्ही पक्षांच्या नेत्यांमध्ये अनेक आरोप-प्रत्यारोपांच्या फैरी जडल्याचं पाहायला मिळालं होतं.

Share This News

Related Post

Shirur Lok Sabha

Shirur Loksabha : शिरुर मतदारसंघात जोरदार राडा; अमोल कोल्हेंनी ‘तो’ व्हिडिओ शेअर करत व्यक्त केला संताप

Posted by - May 13, 2024 0
शिरूर : पहिल्या तीन टप्प्यांनंतर आज देशभरात चौथ्या टप्यातील मतदान (Lok Sabha) पार पडत आहे. या टप्प्यात महाराष्ट्रातील 11 मतदारसंघातील…

कलकत्ता उच्च न्यायालयाचा मोठा निर्वाळा; ‘वंध्यत्व’ घटस्फोटाचा आधार होऊ शकत नाही !

Posted by - January 21, 2023 0
कलकत्ता : आजच्या युगात देखील वंध्यत्वामुळे अनेक गुन्हेगारी वृत्त उजेडात येत आहेत. काळी जादू ,आघोरी पूजा ,हत्या अशा गुन्ह्यांसह मूल…
Sharad-Pawar-Sanjay-Raut-Uddhav-Thackeray

Deepak Kesarkar : उद्धव ठाकरे मविआमधून बाहेर पडणार होते, पण शरद पवारांना कळालं अन्..; केसरकरांचा मोठा गौप्यस्फोट

Posted by - October 16, 2023 0
पुणे : शिवसेनेचे मंत्री आणि नेते दीपक केसरकर (Deepak Kesarkar) यांनी नुकताच एक मोठा गौप्यस्फोट केला आहे. त्यांनी केलेल्या या…

मोठा निर्णय : राज्यातील ‘त्या’ 2 महत्त्वाच्या केसेस CBI कडे वर्ग करण्याचे शिंदे-फडणवीस सरकारचे निर्देश ; पोलीस अधिकारी आणि काही मोठे राजकीय नेते CBI च्या रडारवर

Posted by - July 23, 2022 0
राज्यात शिंदे-फडणवीस सरकार स्थापन झाल्यानंतर अनेक निर्णय घेण्यात आले. तर अनेक निर्णयांना स्थगिती देण्यात आली आहे. दरम्यान राज्यातील दोन महत्त्वाच्या…

Yes Bank and DHFL fraud case : संजय छाब्रियांची 251 कोटी ; तर अविनाश भोसलेंची 164 कोटींची मालमत्ता जप्त ,लंडनमधील ‘ती’ इमारत वादाच्या भोवऱ्यात

Posted by - August 3, 2022 0
पुणे : ईडीने पीएमएलए 2002 अंतर्गत येस बँक आणि डीएचएफएल फसवणूक प्रकरणात व्यावसायीक संजय छाब्रिया यांची 251 कोटी रुपयांची मालमत्ता…

Leave a comment

Your email address will not be published. Required fields are marked *