महाराष्ट्राचे उपमुख्यमंत्री अजित पवार(AJIT PAWAR) यांच्या आकस्मिक विमान अपघाती निधनाने राज्यात शोकसागर उसळला आहे. आज सकाळी झालेल्या भीषण विमान दुर्घटनेत अजित पवार यांच्यासह सहा जणांचा मृत्यू झाला. या घटनेने संपूर्ण महाराष्ट्र हादरून गेला असून, राजकीय व सामाजिक क्षेत्रात तीव्र शोक व्यक्त केला जात आहे.
अजित पवार यांचे पार्थिव सध्या बारामती(BARAMATI) येथील रुग्णालयात ठेवण्यात आले आहे. काही वेळातच ते विद्या प्रतिष्ठानच्या प्रांगणात अंत्यदर्शनासाठी नेण्यात येणार आहे. आज रात्री १० वाजेपर्यंत नागरिकांना अंतिम दर्शन घेता येणार असून, उद्या सकाळी ११ वाजता त्यांच्या पार्थिवावर शासकीय इतमामात अंत्यसंस्कार केले जाणार आहेत.
या दुर्दैवी घटनेच्या पार्श्वभूमीवर राज्य सरकारने आज संपूर्ण महाराष्ट्रात शासकीय सुट्टी जाहीर केली आहे. तसेच तीन दिवसांचा शासकीय दुखवटा पाळण्यात येणार आहे. मुख्यमंत्री देवेंद्र फडणवीस (DEVENDRA FADNAVIS )आणि उपमुख्यमंत्री एकनाथ शिंदे (EKNATH SHINDE) यांनी बारामतीला भेट देत पवार कुटुंबाची भेट घेतली. त्यांनी अजित पवार यांच्या पत्नी सुनैत्रा पवार यांचे सांत्वन केले. यावेळी शरद पवार, सुप्रिया सुळे यांच्यासह संपूर्ण पवार कुटुंब बारामतीत उपस्थित आहे.
अजित पवारांच्या(AJIT PAWAR) अंतिम दर्शनासाठी बारामतीत मोठ्या संख्येने कार्यकर्ते आणि नागरिक जमले आहेत.
