Water Discharge from Khadakwasla Dam: पुणे आणि परिसरातील पाणलोट क्षेत्रात सुरू असलेल्या जोरदार पावसामुळे खडकवासला धरणातील पाणीसाठा लक्षणीयरीत्या वाढला आहे. (Water Discharge from Khadakwasla Dam) याच पार्श्वभूमीवर, पाटबंधारे विभागाने आज सकाळी खडकवासला धरणातून मुठा नदीत सोडल्या जाणाऱ्या पाण्याच्या विसर्गात वाढ केली आहे. आज सकाळी १० वाजता धरणाच्या सांडव्याद्वारे पाण्याचा विसर्ग १०,६११ क्युसेकवरून थेट १४,५४७ क्युसेकवर वाढवण्यात आला आहे. या अचानक वाढलेल्या विसर्गामुळे मुठा नदीच्या पाणी पातळीत वाढ झाली असून, नदीकाठच्या नागरिकांना सतर्कतेचा इशारा देण्यात आला आहे.
पाटबंधारे विभागाच्या अधिकाऱ्यांनी सांगितले की, पाणलोट क्षेत्रात अजूनही पाऊस सुरू असल्याने (Water Discharge from Khadakwasla Dam) धरणातील पाण्याची आवक वाढत आहे. त्यामुळे, सुरक्षिततेच्या दृष्टीने पाण्याचा विसर्ग वाढवणे आवश्यक होते. हवामानातील बदलांनुसार आणि पावसाची तीव्रता पाहून विसर्ग आणखी वाढवला किंवा कमी केला जाऊ शकतो. त्यामुळे नागरिकांनी कोणत्याही अफवांवर विश्वास ठेवू नये, असे आवाहनही करण्यात आले आहे.
याचबरोबर, खडकवासला साखळीतील दुसऱ्या प्रमुख धरणातून, (Water Discharge from Khadakwasla Dam) म्हणजे वरसगाव धरणातूनही पाण्याचा विसर्ग सुरू आहे. आज सकाळी ८ वाजता वरसगाव धरणातून एकूण २,०८८ क्युसेक पाणी सोडण्यात आले. यातील ६०० क्युसेक पाणी सांडव्याद्वारे आणि उर्वरित १,४८८ क्युसेक पाणी वीज निर्मिती केंद्रातून सोडले जात आहे. या विसर्गामुळे मुठा नदीच्या प्रवाहात भर पडली असून, नदीकाठच्या भागांमध्ये पूरसदृश स्थिती निर्माण होण्याची शक्यता आहे.
Heavy rainfall in Pune: पुण्याला पावसाने झोडपलं, पहा कुठे झाला किती पाऊस?
पाटबंधारे विभागाचे उप-विभागीय अभियंता मोहन भादाणे यांनी दिलेल्या माहितीनुसार, नदीकाठच्या सर्व गावांना आणि वस्त्यांना सतर्कतेचा इशारा देण्यात आला आहे. नागरिकांनी नदीपात्रात किंवा नदीच्या जवळ जाऊ नये, जनावरे नदीपात्रापासून दूर ठेवावीत आणि आपल्या मालमत्तेची काळजी घ्यावी, अशा सूचना देण्यात आल्या आहेत. प्रशासनाकडून परिस्थितीवर बारकाईने लक्ष ठेवले जात असून, गरज पडल्यास बचाव कार्य करण्याची तयारीही ठेवण्यात आली आहे.
IAS POOJA KHEDKAR MOTHER मनोरमा खेडकरकडून आरोपींना लपवण्याचा प्रयत्न- विजय कुंभार
यावर्षी परतीच्या पावसाने पुणे शहराला आणि परिसराला चांगलाच दिलासा दिला आहे. खडकवासला साखळीतील चारही धरणांमध्ये पुरेसा पाणीसाठा जमा झाल्यामुळे पुढील वर्षभर शहराच्या पाण्याची चिंता मिटली आहे. परंतु, त्याच वेळी या अतिवृष्टीमुळे नदीकाठच्या भागांमध्ये निर्माण झालेली परिस्थिती गंभीर असून, नागरिकांनी प्रशासनाने दिलेल्या सूचनांचे पालन करणे अत्यंत महत्त्वाचे आहे.
