छत्रपती संभाजीनगर : छत्रपती संभाजीनगरमधून (Chhatrapati Sambhajinagar) एक धक्कादायक घटना समोर आली आहे. यामध्ये शेतीच्या वादातून दोन गटामध्ये मोठा राडा झाला आहे. हा वाद एवढा विकोपाला गेला कि यामध्ये बेल्ट आणि तलवारीने मारहाण करण्यात आली. या घटनेमुळे संपूर्ण जिल्ह्यात खळबळ उडाली आहे. वाळूज औद्योगिक परिसरातल्या वडगाव कोल्हाटी या ठिकाणी ही घटना घडली आहे. या घटनेचा एक व्हिडिओ सध्या सोशल मीडियावर मोठ्या प्रमाणात व्हायरल होताना दिसत आहे.
शेतीच्या वादातून काकाने पुतण्यावर तलवारीने केले सपासप वार pic.twitter.com/ynxcJuolIa
— TOP NEWS MARATHI (@Topnewsmarathi) July 25, 2023
काय घडले नेमके?
शेतीच्या वादातून दोन गटात जोरदार राडा झाला. प्रकरण मारहाणीपर्यंत पोहोचलं. यानंतर काकाने आपल्या पुतण्यावर तलावारीने वार केले. वाळूज औद्योगिक परिसरातील वडगाव कोल्हाटी या ठिकाणी ही धक्कादायक घटना घडली आहे. या घटनेमुळे संपूर्ण जिल्ह्यात मोठी खळबळ उडाली आहे. या प्रकरणी वाळूज एमआयडीसी पोलीस ठाण्यात गुन्हा दाखल करण्यात आला असून पुढील तपासाला सुरुवात करण्यात आली आहे.
